Teletubbies

Teletubbies
televida serio
Originala titolo	Teletubbies
Originala lingvo	angla lingvo
Origina lando	Unuiĝinta Reĝlando (Britio)
Ĝenro	porinfana televida serio
Aktoroj	Dave Thompson • Simon Shelton • John Simmit • Nikky Smedley • Pui Fan Lee
Amplekso
Sezonoj	7
Epizodoj	425
Daŭro sen reklamoj	25
Elsendo
Elsendita	31 mar. 1997 – 11 nov. 2022
Eksteraj ligiloj
Oficiala retejo
ĉe IMDb

Teletubbies en Hastings, Anglio

Teletubbies (prononco per simplaj literoj [TEli TAbiz]) estas brita televida serio celata al antaŭ-lernejaĝaj infanoj, produktita de 1997 ĝis 2001 de brita firmao Ragdoll Productions.

La rolfiguroj estas kvar diverskoloraj, proksimume bebo-similaj estaĵoj, ludataj de plenkreskaj aktoroj en vasta plenkorpa kostumo. Ili estas:

• Tinky Winky, violkolora, vira
• Dipsy, verda, vira
• Laa-Laa, flava, ina
• Po, ruĝa, ina

Aliaj personoj inkludas la Noo-noo (iu polvosuĉilo kun propra vivo). La suno estas reprezentita de la vizaĝo de bebo.

Dum la epizodoj, la figuroj interagas inter si per ludoj, gajaj kaj mallerte faritaj dancoj, per gestoj kaj per silaboj similaj al tiuj kiujn elprovas beboj kiuj eklernas paroli. La intelekta nivelo de la interagoj estas absolute malalta, kuracisto aŭ psikologo juĝus ke idiotisma. Sed ĝuste tiu "bebeca" karaktero kaŭzas la furoron de la epizodaro: La serio estis kaj estas montrata en multaj landoj ĉirkaŭ la mondo.

Keletapit

Keletapit estas el Teletubbies, finne Teletapit, parodio, kiun la grupo Alivaltiosihteeri faris en finnlanda televido kaj radio en fino de 1990-aj jaroj kaj kiu rakontas pri keletappi-oj Kele (el la vorto perkele, "diablo"), Tana (el la vorto saatana, "satano"), Tu (el la vorto vittu, "damnita") kaj Sviddunääs ("adiaŭ"). Keletappi-oj drinkas kaj tabakas, tute malsame ol Teletubbies. Kele en televido estas aktorata per Jyrki Liikka, Tana per Paso Heikura kaj Sviddunääs per Simo Frangén. En la "ventra televido" estas parto el inter finnoj tre konata avangarda filmo de la aktoro kaj reĝisoro Mikko Niskanen. Anstataŭ la infano, en la suno estas prezidanto Urho Kekkonen. Kele estas flava kaj ofte ricevas koleregon. La parodio kompreneble celas esti tre provoka, male kaj tre kontraste al la preskaŭ kretene naiva originalo, kiu volas imiti la balbutadon kaj serenan temperamenton de beboj kiuj ĵus ekposedas la unuajn silabojn kaj vortojn.

Titolo de la serio tra la mondo

• Araba: تليتبيز
• Bulgara: Телетъбис
• Ĉina: 天線寶寶 (pinjine tiānxiànbǎobǎo)
• Estona: Teletupsud
• Finna: Teletapit
• Franca: Les Télétubbies
• Greka: Τελετάμπις [Teletapic]
• Hebrea: טלטאביז
• Hindia: टॅलीटबीज़
• Hungara: Teletabik
• Islanda: Stubbarnir
• Japana: テレタビーズ
• Kartvela: ტელეღიპუცები
• Korea: 꼬꼬마 텔레토비 [Teletobi]
• Kroata: Teletubbiesi
• Latva: Teletūbiji
• Litova: Teletabiai
• Norvega: Teletubbiene
• Persa: توپولوها
• Pola: Teletubisie
• Rusa: Телепузики [Telepuziki]
• Serba: Телетабиси [TEletabisi]
• Slovaka: Telebajski
• Taja: เทเลทับบี้
• Turka: Teletabiler
• Ukraina: Телепузики

Eksteraj ligiloj

• Teletubbies en Interreta filma datumbazo (angle)