Sigmund Romberg

Sigmund Romberg
Persona informo
Naskonomo	Rosenberg Zsigmond
Aliaj nomoj	Sigmund Romberg
Naskiĝo	29-an de julio 1887 (1887-07-29) en Nagykanizsa
Morto	9-an de novembro 1951 (1951-11-09) (64-jaraĝa) en Nov-Jorko
Tombo	Ferncliff Cemetery (en)
Ŝtataneco	Aŭstrio-Hungario Usono
Okupo
Okupo	pianisto scenaristo komponisto filmkomponisto
Verkoj	The Desert Song

Sigmund Romberg, laŭ hungarlingve kutima nomordo Romberg Zsigmond [1] (naskiĝis la 29-an de julio 1887 en Nagykanizsa (Hungario); mortis la 9-an de novembro 1951 en Novjorko) estis usona komponisto hungardevena. Lia origina familia nomo estis Rosenberg.

Biografio

Zsigmond Rosenberg devenis el juda familio. Li montris muzikan talenton kiel tre juna infano kaj liaj gepatroj aranĝis, ke li lernu violonon kaj pianon ekde la aĝo de ses jaroj. Post la gimnazia maturiĝo li studis en Universitato de Vieno por esti inĝeniero, tamen li ricevis ankaŭ muzikajn lecionojn kaj li iĝis sperta violonisto. En 1909 li elmigris al Novjorko, kie komence li pianludis en kafejoj. Ĉirkaŭ 1912 li fondis muzikan orkestron, kiu prezentis iujn el liaj komponaĵoj. Tio portis lin al la atento de Broadway-produktistoj, li ricevis komponistajn taskojn en Broadway. Ekde 1929 Romberg komponis ankaŭ melodiojn por filmoj. Li edziĝis dufoje, la unua edzino estis Dorothy Donnelly.

Elektitaj teatraj komponaĵoj

• The Whirl of the World (1914, revuo, debuto en Broadway)
• Hands Up (1915, muzikalo)
• Maytime (1917, opereto)
• Blossom Time (1921, pri vivo de Franz Schubert)
• The Blushing Bride (1922, muzikalo)
• The Rose of Stamboul (1922, opereto)
• Melody (1933, muzikalo)
• Sunny River (1941, muzikalo)
• The Girl in Pink Tights (1954)

Elektitaj filmaj komponaĵoj

• The Desert Song (1929, 1943, 1955)
• Maytime (1937)
• Up in Central Park (1948)
• Deep in My Heart (1954)

Fontoj

• anglalingva biografio kun foto Arkivigite je 2019-06-24 per la retarkivo Wayback Machine
• [2]