Rusko
 | ||||||||||||
|---|---|---|---|---|---|---|---|---|---|---|---|---|
 Ruscus hypoglossum, langa rusko
| ||||||||||||
| Biologia klasado | ||||||||||||
| ||||||||||||
| Ruscus L., 1753 | ||||||||||||
Aliaj Vikimediaj projektoj
| ||||||||||||
Rusko (Ruscus) estas genro de asparagacoj (Asparagaceae) kun ses specioj.
Priskribo
[redakti | redakti fonton]La ruskospecioj estas dioikaj arbustoj; la veraj folioj reduktiĝis kaj estas sekhaŭtaj; la fotosintezo okazas per la foliaj, haŭtaj, pintaj filokladioj, ĉe kies akseloj elkreskas la veraj folioj. La filokladioj estas paralele nervitaj, longetaj-rondaj ĝis longetaj-lancetaj aŭ eliptaj.
La 1-6 verdblankaj floroj situas en mezo de la filokladioj kaj kreskas el la akseloj de la brakteoj. La perianteroj estas ne kunkreskintaj, la tri internaj estas pli sveltaj ol la eksteraj. La masklaj floroj havas tri stamenojn kun filamentoj kuniĝantaj en ŝvela tubo.
La fruktoj estas ruĝaj, venenaj beroj kaj entenas 1-2 semojn.
Kreskejo
[redakti | redakti fonton]La ruskoj kreskas en okcidenta Eŭropo, en Makaronezio, en la Mediteranea areo kaj de Kaŭkazo ĝis Irano.
Specioj
[redakti | redakti fonton]- Pika rusko (Ruscus aculeatus)
- Ruscus colchicus
- Langa rusko (Ruscus hypoglossum)
- Okcidentmediteranea rusko (Ruscus hypophyllum)
- Ruscus hyrcanus
- Ruscus streptophyllus