Preĝejo de Sankta Engrácia
| Preĝejo de Sankta Engrácia | |||
|---|---|---|---|
 | |||
| kristana preĝejo maŭzoleo kultura heredo 
| |||
| Bazaj datoj | |||
| Konstrustilo | baroka arkitekturo vd | ||
| Arkitekto | João Antunes vd | ||
| Estiĝo | 1682 | ||
| Lando | Portugalio vd
| ||
| Situo | São Vicente | ||
| Situo | |||
| Geografia situo | 38° 42′ 54″ N, 9° 7′ 30″ U (mapo)38.715-9.125Koordinatoj: 38° 42′ 54″ N, 9° 7′ 30″ U (mapo) [+] | ||
| |||
 Preĝejo de Sankta Engrácia | |||
| Retejo | http://www.panteaonacional.gov.pt/ | ||
La Nacia Panteono de Portugalio (portugale Panteão Nacional), aŭ la Preĝejo de Sankta Gracio (portugale Igreja de Santa Engrácia, [i'gɾeʒɐ dɨ 'sɐ̃tɐ ẽ'gɾasiɐ]) estas monumento en Lisbono kie elstaraj portugaloj estas entombigitaj. Specife, multaj famaj figuroj, prezidantoj, verkistoj kaj multaj aliaj estas entombigitaj ĉi tie. Cenotafoj estis starigitaj en honoro de famaj navigistoj (Vasco da Gama, Henriko la Navigisto ktp.).
La Nacia Panteono estis kreita per dekreto de la 26-a de septembro 1836 [1]. De 1836 ĝis 1966 la Nacia Panteono estis instalita en la monasterio Jerónimos, en Lisbono. Kelkaj el la sarkofagoj kiuj antaŭe restis en la Hieronymite Monaĥejo en Lisbono estis translokigitaj [2].
La konstruaĵo servis origine preĝejo, kaj estis konvertita en nacian monumenton en 1916 dum la Unua Portugala Respubliko. Ĝi estas orientilo en la Alfama distrikto kaj staras proksime al la Igreja de São Vicente de Fora, alia signifa monumento. La konstruado komencis en la 17-a jarcento La kupolo estis aldonita en 1966.
La terplano estas krucoida, kiel greka kruco. La origina arkitekto estis João Antunes (1643-1712). La enirhalo de la ĉefenirejo de la preĝejo estas apogita per kvar kolonoj. La distribuado de la interna spaco de la preĝejo sekvas la krucoidan formon kun kvar navoj kiuj ligas en duoncirklo.
La planko kaj muroj de la eklezio estas ornamitaj per multkoloraj marmorprovaĵoj, ĉio en la sama baroka stilo. La 18-ajarcenta orgeno estis speciale alportita de la Katedralo de Lisbono.
Ĝi estas unu el la plej imponaj arkitekturaĵoj en Lisbono, devenanta de la portugala baroko. La majesta strukturo farita el rozkolora marmoro estas pintata per grandega kupolo. De la tegmento ĉe la bazo de la kupolo, je alteco de 80 metroj, la observejo ofertas vidojn de la urbo kaj la rivero Taĵo.
En 2022, ĝi registris proksimume 150 000 vizitojn, igante ĝin unu el la plej vizititaj monumentoj en la lando.
Entombigitoj
[redakti | redakti fonton]En la konstruaĵo estas la tomboj de naciaj herooj de Portugalio kiel: Nonius Álvares Pereira, Henriko la Navigisto, Pedro Álvares Cabral kaj Afonso de Albuquerque
Krome, ekzistas la tomboj de:
- Almeida Garrett (1799-1854), poeto kaj politikisto;
- Amália Rodrigues (1920-1999), fadokantisto;
- Aquilino Ribeiro (1885-1963), poeto;
- Guerra Junqueiro (1850-1923), poeto;
- Humberto Delgado (1906-1965), generalo, opoziciisto;
- João de Deus (1830-1896), poeto;
- Manuel de Arriaga (1840-1917), prezidanto de la respubliko;
- Óscar Carmona (1869-1951), prezidanto de la respubliko;
- Sidónio Pais (1872-1918), prezidanto de la respubliko;
- Sophia de Mello Breyner (1919-2004), verkisto;
- Teófilo Braga (1843-1924), prezidanto de la respubliko.
Galerio
[redakti | redakti fonton]-
Aerfoto super Alfama -
La planko de la navo vidita de la galerio
.jpg)
Referencoj
[redakti | redakti fonton]- ↑ Cf. Decreto, de 26 de setembro de 1836.
- ↑ Cf. Lei n.º 28/2000, de 29 de novembro, na redação dada pela Lei n.º 14/2016, de 9 de junho, com republicação.