Oaxtepec
![](http://upload.wikimedia.org/wikipedia/commons/thumb/4/49/Oaxtepec_banner.jpg/775px-Oaxtepec_banner.jpg)
Oaxtepec | |||
---|---|---|---|
| |||
loĝlokoj de Meksiko ![]() | |||
Blazono | |||
Administrado | |||
Statuso | Komunumo | ||
Lando | Meksiko | ||
Ŝtato | Morelos | ||
Poŝtkodo | 62738 | ||
Demografio | |||
Loĝantaro | 6 197 (en 2 005) | ||
Geografio | |||
Koordinatoj | 18°54′N 98°58′U / 18.9°N, 98.967°U (mapo) | ||
Alto | 1 333 m [+] | ||
Horzono | UTC -6 | ||
Alia projekto | |||
![]() | |||
Oaxtepec estas urbeto en la distrikto Yautepec en la norda parto de la ŝtato Morelos de Meksiko. En 2005 ĝi havis 6197 loĝantojn.[1].
Inter esperantistoj la urbeto aparte konatiĝis en somero 1981, kiam la Internacia Junulara Kongreso de TEJO okazis tie.
Etimologio de la nomo
[redakti | redakti fonton]La nomo de la urbeto estas el la navatla lingvo kaj konsistas el du vortoradikoj - huax kaj tepec. Huaxin estas la nomo de arbo el la genro de akacioj, kiu hispanlingve en Meksiko konatas sub la nomo guaje ["guaĥe"] kaj havas la latinan nomon Leucaena esculenta. Tepetl estas "monteto". Oaxtepec aŭ Huaxtepec, kiel la urbeto origine nomiĝis, do estas "monteto de guaĥe-arboj".
Historio
[redakti | redakti fonton]La loĝloko Huaxtepec jam antaŭ la alveno de la hispanaj konkeristoj en 1521 estis signifa urbo. En la regiono vivis la tribo Tlahuica el la gento de aztekoj - plej grandaj urboj de la tribo estis Kvauxnavak (nuntempe nomata Cuernavaca) kaj Huaxtepec.[2]
En Huaxtepec la Tlahuica-anoj antaŭ la alveno de la eŭropaj konkeristoj tre sukcese kultivis kakaon kaj vanilon. La kultivejoj tiom imponis la hispanan konkeriston Hernán Cortés, ke li informis sian reĝon Karlo la 5-a ke la ĝardenoj de la azteka reĝo Moctezuma en Huaxtepec estus la plej belaj kiujn li iam ajn vidis.[3]
Futbalo
[redakti | redakti fonton]Inter la jaroj 1982 kaj 1984 la urba futbala klubo CF Oaxtepec dum du jaraj sezonoj konkuris en la Primera División, la plej alta ligo de meksikaj futbalaj kluboj.
Esperanto
[redakti | redakti fonton]La 37-a Internacia Junulara Kongreso (IJK) de TEJO okazis dum somero 1981 en la urbo Oaxtepec. La kongreson partoprenis 108 junaj esperantistoj - grandparte studentoj, lernejanoj kaj junaj laboristoj sub 30 jaroj.
Notoj
[redakti | redakti fonton]Eksteraj ligiloj
[redakti | redakti fonton]- oficiala retejo (hispane)[rompita ligilo]
- informoj pri la loĝloko antaŭ la hispana konkeriĝo (angle)[rompita ligilo]