Neglekto

En civila aŭ puna juro neglekto signifas, ke oni ĉe iu ago ne aplikis la necesan atenton por eviti damaĝon. Ĝi plej ofte kaŭzas kompensdevon (vidu ĉe damaĝkompenso). Foje tio dependas de la grado de neglekto, t.e. ĉu averaĝa homo normale atentas la riskon aŭ ĉu nur per tre zorgema agado oni povus eviti la damaĝon. Punoj pro neglekto okazas nur en difinitaj kazoj. Ekzemplo (minimume el germana kaj franca juroj) estas mortigo de homo.