Nasr ad-Din
| Nasr ad-Din | |
|---|---|
.jpg)
| |
| homo | |
| Informoj | |
| Sekso | vira |
| Nacieco | Ruma sultanlando |
| Okupo | Kadı • savant |
Nasr ad-Din (turke Nasrettin Hoca, transliterume: Nasratin Hoĝa; uzbeke: Nasriddin Afandi, Nasridin Efandi; perse ملا نصردين, Molā Naṣro'd-Dīn) estis literatura figuro de araba origino, naskita en Turkio kaj imamo kiu vivis, laŭ la tradicio, en Buĥaro inter la jaroj 1208-1284. La okcidenta signifo de lia nomo estas "venko de kredo" (arabe Nasr ad-Din). Li naskiĝis en la vilaĝo Horto kaj estis filozofo, mistikulo kaj rakontisto. Lia karaktero estas miksita kun tiu de Ĝuĥa en arablingvaj landoj, pro la humuro en liaj rakontoj.
Fabeloj
[redakti | redakti fonton]La rakontoj de Nasr ad-Din estas konataj en ĉiuj mediteraneaj landoj kaj ankaŭ aperas en aliaj kulturoj kaj landoj en la mondo. Unuavide, la rakontoj ŝajnas ŝercoj aŭ humuraj paraboloj. Ili estas rakontitaj ree kaj denove en teejoj kaj karavanejoj, en hejmoj kaj en la radio. Unu el la celoj de rakontoj estas priskribi situaciojn en socio aŭ en individuaj pensoj, kiam tiuj estas reprezentitaj de la roluloj kaj ilia konduto en la rakonto.
