Ministerio pri supera instruado kaj esplorado (Francio)
| Ministerio pri supera instruado kaj esplorado | ||
|---|---|---|
| Ministère de l'Enseignement supérieur et de la Recherche | ||
| ||
| ministerio de Francio organizaĵo 
| ||
| Komenco | 18-a de majo 2007 | |
| Geografia situo | 48° 50′ 51″ N, 2° 20′ 56″ O (mapo)48.84752.34877Koordinatoj: 48° 50′ 51″ N, 2° 20′ 56″ O (mapo) | |
| Lando(j) | Francio vd | |
| Sidejo | 21, rue Descartes Parizo 5-a arondismento | |
| ||
 Ministerio pri supera instruado kaj esplorado | ||
| Tipo | franca ministerio | |
| Estr(ar)o | Benoît Hamon (ministro pri supera instruado kaj esplorado) | |
| Buĝeto | 24,16 miliardoj da eŭroj (2009) | |
| Dungitaro | 11 253 (2013)[1] 240 000 (2011 - ODAC) | |
| Lingvoj | ||
| Filioj | Centre de Compétences NanoSciences Ile-de-France (en)  Franca Instituto por Orienta Arkeologio secrétariat général du ministère de l'Éducation nationale, de l'enseignement supérieur et de la recherche (fr) Agence bibliographique de l'enseignement supérieur (en) vd
| |
| Retejo | Oficiala retpaĝo de la ministerio | |
| Jura formo | ministerio de Francio | |
La ministerio pri supera instruado kaj esplorado (france "Ministère de l'Enseignement supérieur et de la Recherche" aŭ MESR) estas unu el la du francaj minsierioj komisiitaj pri instruado kaj la ĉefa ministerio komisiita pri esplorado[2]. Ĝi situas je la numero 21 de strato Descartes, en la 5-a arondismento de Parizo, en la malnovaj lokoj de École polytechnique.
Historio
[redakti | redakti fonton]Le ministerio arigas du atribuojn, kiuj historie estis partoj de la ministerio pri edukado. La registaro de la Popola Fronto enhavis, en 1936, subsubministron pri scienca esplorado ĉe la ministro pri edukado, sed ĝi malaperis ekde junio 1937. En la registaro de Pierre Mendès France, ekde 1954, ekzistis en iuj registaroj subministerio ĉe la prezidanto de la Konsilio pri scienca esplorado kaj teknika progreso[3].
Memstara ministerio pri scienca esplorado aperis en la registaro de Michel Debré. Ekde tiam, esplorado aperis en pluraj registaroj en la titolo de ministerio aŭ de delegita ministerio, akompanata de la « atomaj kaj spacaj temoj » aŭ arigita kun industrio aŭ supera instruado.
La aŭtonoma subministerio pri universitatoj aperis en la 1-a registaro de Jacques Chirac en 1974 antaŭ ol fariĝi memstara ministerio en 1978 en la 1-a registaro de Raymond Barre. Ekde 1981, supera instruado estas denove ligita al edukado, tamen kun iu aŭtonomeco en delegita ministerio aŭ subministerio. Ministerio pri supera instruado kaj esplorado estas kreita por la unua fojo en 1993, en la registaro de Édouard Balladur. Ĝi estis rekreita en 2007.
Organizado
[redakti | redakti fonton]La nuna organizado de la ministerioj pri edukado kaj de tiu pri supera instruado kaj esplorado estis decidita en 2006, kaj ĝi estis modifita en marto 2009[4].
La ministro pri supera instruado kaj esplorado disponas pri du grandaj direkcioj : la ĝenerala direkcio pri supera instruado kaj profesia integriĝo kaj la ĝenerala direkcio pri inovado.
Komunaj servoj
[redakti | redakti fonton]Tri servoj estas komunaj al la du ĝeneralaj direkcioj :
- Servo pri strategia kunordigo kaj teritorioj ;
- Servo pri grandaj konstruprojektoj ;
- Subservo pri informsistemoj kaj sciencaj studoj.
Malcentrigitaj servoj
[redakti | redakti fonton]En ĉiu el la tridek edukaj distriktoj, la ministerio estas reprezentata de edukdistrikta estro (france "recteur d'académie"), kanceliero de la universitatoj, kies servoj estas komunaj kun tiuj de la ministerio pri edukado.
En ĉiu regiono, la ministerio estas reprezentata, pro siaj atribuoj pri esplorado, inovado kaj rilatoj inter scienco kaj socio, per regiona delegito pri esplorado kaj teknologio. Konsilanto de la edukdistrikta estro, li zorgas pri la antaŭiro de la esplorado en la regiono kaj favorigas teknologiajn transiĝojn.
Atribuoj de la ministro
[redakti | redakti fonton]La ministro pri supera instruado kaj esplorado preparas kaj plenumas la politikon de la registaro por la kresko de la supera instruado.
Ministro
[redakti | redakti fonton]
Pli detalaj informoj troveblas en artikolo Listo de la francaj ministroj pri supera instruado. Pli detalaj informoj troveblas en artikolo Listo de la francaj ministroj pri esplorado kaj teknologioj.Notoj kaj referencoj
[redakti | redakti fonton]- ↑ (PDF) Dungitaro de la ministerio en la jaro 2013 Arkivigite je 2013-04-18 per la retarkivo Wayback Machine sur la retpaĝo www.performance-publique.gouv.fr
- ↑ La ministerio pri agrikulturo enhavas ĝeneralan direkcion pri instruado kaj esplorado
- ↑ Jean-Louis Crémieux-Brilhac. (2012) La scienca politiko de Pierre Mendès France. Armand Colin, p. 192.
- ↑ Dekreto n° 2006-572
Vidu ankaŭ
[redakti | redakti fonton]Vidu ankaŭ
[redakti | redakti fonton]Oficialaj tekstoj
[redakti | redakti fonton]- france Dekreto n° 2012-777 de la 24-a de majo 2012 pri atribuoj de la ministro pri supera instruado kaj esplorado
- france Dekreto n° 2006-572 de la 17-a de majo 2006 difinanta la organizadon de la centra administracio de la ministerioj pri edukado kaj supera instruado kaj esplorado
| ||||||||