Metana
.jpg)
| Metana | ||
|---|---|---|
| Duoninsulo | ||
 | ||
| setlejo [+] | ||
| Lando | Grekio | |
| Supermara alteco | 18 m [+] | |
| Koordinatoj | 37° 34′ 52″ N, 23° 23′ 27″ O (mapo)37.58123.3908Koordinatoj: 37° 34′ 52″ N, 23° 23′ 27″ O (mapo) | |
| Loĝantaro | 556 [+] (2021) | |
| Poŝtkodo | 180 30 [+] | |
|
||
|
||
 |
||
| Metana | ||
 Vikimedia Komunejo: Methana (town) [+] |
||
Metana (greke Μέθανα) estas urbo kaj iama municipo en Peloponezo, Grekio. La antaŭa municipo estis kunfandita kun la najbara municipo de Troizinia en 2011 [1] kaj nun estas nomita Troizinia-Metana. Metana havas areon de 50 km² [2].
Metana situas sur vulkana duoninsulo, kiu estas ligita al Peloponezo per mallarĝa istmo. Administre, la urbo apartenas al la regiono Atiko. La urbo situas norde de la vojo kiu ligas la ceteron de Peloponezo kaj Galato. La plej alta punkto estas 740 metroj. Metana havas areon de 50 161 km² kaj enloĝantaron de 1 657 loĝantoj en la popolnombrado de 2011. La plej grandaj loĝlokoj krom la urbo Metana estas Vathý (129 loĝ.), Megalochóri (115), Kounoupítsa (75), Kypséli (47), Ágioi Theódoroi (45), kaj Dritsaíika (205).
Vulkana aktiveco
[redakti | redakti fonton]La duoninsulo estas tute de vulkana origino kaj enhavas pli ol 30 vulkanajn erupciocentrojn. La lasta vulkana erupcio okazis proksime de la hodiaŭa Kameni Chora en 230 a.K., kaj subakva vulkano erupciis en 1700. Famaj verkintoj kiel ekzemple Ovidio, Strabono kaj Paŭzanio raportis la lastan vulkanan erupcion en Metana. La duoninsulo estas la plej nordokcidenta parto de la arko de la Egeaj insuloj, kie la aktivaj vulkanaj areoj estas Metana, Meloso, Santorino kaj Nisiros. En la estonteco, Metana (kaj la areo de la Sarona golfo) povas atendi pli da vulkanaj erupcioj [3].
Ekde 1991, la duoninsulo estas esplorita de esploristoj ĉe ETH Zuriko kaj geologie kaj kartografie. El tio oni preparis topografian mapon de la tuta duoninsulo je skalo 1:25.000. Interaga 3D mapo estis kreita kaj estas havebla rete. Riĉa fotografia arkivo kun ĉ. 10 000 lumbildoj ankaŭ estis produktitaj (vidu ligilojn malsupre).
Granda parto de la duoninsulo konsistas el montoj, arbustoj kaj herbejoj. La montaro kovras la centran parton de la duoninsulo kaj havas malgrandan kreston norde de la sidloko. La surkonstruita areo estas ĉe la maro. La malferma kamppaŝtejo estas ĉe la periferio ĉirkaŭ Metana. Monta kresto kiu komenciĝas en la okcidento estas ĉ. tri kilometrojn longa, kun rivereto en la mezo kaj klifo en la sudo.
Historio
[redakti | redakti fonton]La plej frua konata setlejo (proksime de la vilaĝo de Vathy) originas de 1500-1300 a.K. La unua enketo estis farita de Michael Deffner, kiu malkovris grandan tronon, same kiel aliajn objektojn. Multaj praaj ejoj estis identigitaj tra arkeologiaj enketoj aranĝitaj en la 1980-aj jaroj fare de la Universitato de Liverpolo en kunlaboro kun la Brita Lernejo en Ateno. Akropolo Paliokastro situas proksime de la vilaĝo de Vathy. La fortikaĵo estas en Kypseli sur la marbordo de Akropolo Oga en Nisaki (Νησάκι, kun la signifo malgranda insulo). Mikena setlejo estis elfosita fare de Helene Konstolakis-Jiannopoulou en 1990 kune kun la kapelo de Agios Konstantinos kaj Elenis. Elektitaj objektoj povas esti viditaj en la muzeoj sur la insulo Poros kaj en Pireo. Tiu elfosejo datiĝas inter 1500 kaj 1300 a.K.
Metana (greke τὰ Μέθανα aŭ Μεθώνη) situis en la teritorio de Troizen . En la libro Peloponeza Milito, Tucidido rakontas pri atena ekspedicia trupo sub Nikio kiu, post venkado de Korinto (425 a.K.), konstruis muron trans la ismo por fortranĉi la Metanan duoninsulon de la kontinento. En la helenisma periodo, la duoninsulo iĝis unu el la ptolemeaj bazoj en la Egeo, kaj ĝi tiam estis renomita Arsinoe. Kiam Paŭzanio vizitis en la 2-a jarcento, li vidis templon al Iziso, kaj la statutojn de Hermeso kaj Heraklo en la Agoro.
Tradicie, la loĝantaro de Metana estis Arvanitoj [4].
Referencoj
[redakti | redakti fonton]- ↑ ΦΕΚ B 1292/2010, Kallikratis reform municipalities (greke). Registara Gazeto de la Helena Respubliko.
- ↑ Population & housing census 2001 (incl. area and average elevation) (greke). National Statistical Service of Greece. Arkivita el la originalo je 2015-09-21.
- ↑ List of volcanic eruption sites on Methana. Methana-Promotion.com. Arkivita el la originalo je 2022-12-05. Alirita 11 May 2021.
- ↑ Sutton, Susan Buck. (2000) Contingent countryside: settlement, economy, and land use in the southern Argolid since 1700. Stanford University Press. ISBN 978-0-8047-3315-1.