Kantocistikolo

Kiel legi la taksonomion Kantocistikolo
Kantocistikolo
Biologia klasado
Regno: Animaloj Animalia Filumo: Ĥorduloj Chordata Klaso: Birdoj Aves Ordo: Paseroformaj Passeriformes Familio: Cistikoledoj Cisticolidae Genro: Cisticola Specio: 'C. cantans'
Dunomo
Cisticola cantans (Heuglin, 1869)
Konserva statuso
Konserva statuso: Malplej zorgiga
Aliaj Vikimediaj projektoj

La Kantocistikolo (Cisticola cantans) estas specio de birdo de la familio de Cistikoledoj kaj ties tipa genro Cistikoloj, kiuj estas malgrandaj birdoj ĉefe el Afriko, kvankam kelkaj specioj estas en Azio kaj nur unu ankaŭ en Eŭropo, nome la tre disvastigata Herbosilvio.

Temas pri specio kun brunaj supraj partoj kaj blankecaj subaj partoj. Pli precize en kapo la bruna krono komencas per mallarĝa bruna frunto inter helaj flankoj de vizaĝo kie klare rimarkindas bruneca traokula strio kiu trapasas okulon de tre bruna iriso. La bruna dorso estas tre markita de nigreca strieco. La gorĝo estas blanka, dum la resto de subaj partoj estas el blankecaj al flaveca nuanco. Ĝi estas simila al aliaj samgenraj specioj kaj distingiĝas plej facile pro ties kanto, kiu nomigas la specion kaj en Esperanto kaj en la latina scienca nomo.

Ĝi troviĝas en Benino, Burkino, Burundo, Kameruno, Centrafrika Respubliko, Ĉado, Demokratia Respubliko Kongo, Eburbordo, Eritreo, Etiopio, Gambio, Ganao, Gvineo, Gvineo-Bisaŭa, Kenjo, Liberio, Malavio, Malio, Mozambiko, Niĝero, Niĝerio, Ruando, Senegalio, Sieraleono, Sudano, Tanzanio, Togolando, Ugando, Zambio kaj Zimbabvo. Ties natura habitato estas subtropikaj aŭ tropikaj sekaj arbaroj kaj subtropikaj aŭ tropikaj sekaj arbustaroj.

Referencoj

• BirdLife International 2004. Cisticola cantans. 2006 IUCN Ruĝa Listo de Minacataj Specioj. Konsultita la 25an de julio 2007.