El Vikipedio, la libera enciklopedio
Hluk estas urbo en Ĉeĥio, en distrikto Uherské Hradiště (Regiono Zlín). Ĝi havas 4 289 loĝantojn (2024). Ĉiujn tri jarojn okazas tie ĝis hodiaŭ la rajdo de la reĝoj, tradicio tipa por la regiono de Moravia Slovakio kaj en Hluk unuafoje skribe menciita en 1865.
La najbaraj municipoj de la setlejo estas Vlčnov, Podolí, Ostrožská Lhota, Kunovice, Uherské Hradiště, Ostrožská Nová Ves, Boršice u Blatnice, Dolní Němčí, Blatnička kaj Blatnice pod Svatým Antonínkem.
Evoluo de nombro de loĝantoj
La datoj devenas el datumbazo de Vikidatumoj
| Jaro | Loĝantoj |
|---|
| 1869 | 2 164 |
|---|
| 1880 | 2 442 |
|---|
| 1890 | 2 566 |
|---|
| 1900 | 2 857 |
|---|
| 1910 | 3 039 |
|---|
| 1921 | 3 530 |
|---|
| Jaro | Loĝantoj |
|---|
| 1930 | 3 306 |
|---|
| 1950 | 3 410 |
|---|
| 1961 | 3 879 |
|---|
| 1970 | 3 803 |
|---|
| 1980 | 4 293 |
|---|
| 1991 | 4 362 |
|---|
| Jaro | Loĝantoj |
|---|
| 2001 | 4 360 |
|---|
| 2014 | 4 451 |
|---|
| 2016 | 4 423 |
|---|
| 2017 | 4 368 |
|---|
| 2018 | 4 358 |
|---|
| 2019 | 4 340 |
|---|
| Jaro | Loĝantoj |
|---|
| 2020 | 4 372 |
|---|
| 2021 | 4 130 |
|---|
| 2022 | 4 249 |
|---|
| 2023 | 4 298 |
|---|
| 2024 | 4 289 |
|---|
En 1933 en Hluk fondiĝis esperantista klubo (parto de Ĉeĥoslovaka Asocio Esperantista), kies membroj tenis korespondajn kontaktojn kun esperanto-parolantoj en multaj landoj de la mondo kaj invitis al Hluk kelkajn konatajn vojaĝistojn, kiuj prelegis en esperanto kun interpretado en la ĉeĥan lingvon antaŭ la loka publiko (Henrik Seppik prelegis pri Laplando, Erika Seppik pri Estonio, Joseph R. Scherer el Usono pri vojaĝo en Antaŭa Hindio, negro Kola Ajayi pri Afriko). Ĉiujare okazadis vesperaj festoj kun riĉa ĉeĥa-esperanta programo kaj en la jaro 1937 sursceniĝis teatraĵo Jízdní hlídka pri legia temo de František Langer en esperantlingva traduko Kavaleria patrolo.[1][2]
- ↑ Plačková, Marie (1938). “Esperanto v Hluku”, Moravskoslovenské pomezí 3 (6 (Hlucké číslo)), p. 7.
- ↑ Plačková, Marie (2007). “Esperanto v Hluku”, Hlucké noviny 2, p. 16–17.
Ĉeĥio
Vikimedia Komunejo: Hluk (Uherské Hradiště District)
Portalo pri Ĉeĥio
