Fazado (sonefekto)
Fazado (aŭ "faza modulado") estas sonefiko bazita sur la manipulado de fazo de iuj frekvencoj de sonsignalo. Ĝi estas ĝenerale akirita filtrante signalon per pluraj ĉion-pasigantaj filtriloj, kiuj kaŭzas fazŝanĝon kaj kreas serion de truoj (noĉoj) en la frekvenca spektro. La pozicio de ĉi tiuj truoj en la sonspektro estas ŝanĝita cikle per malaltfrekvenca oscilatoro, kio kreas kirlan sonefikon.
Inventita en la 1970-aj jaroj kaj bazita sur analoga teknologio, ĉi tiu efiko ankaŭ estas atingita ciferece. Ĝi troviĝas en formo de pedala efektilo, rakunuo aŭ en programara versio en formo de kromprogramero. Ĉi tiu efiko estas uzata, interalie, ĉe la elektra gitaro, la klavaro kaj eĉ la drumo.
