Desperate Housewives
| Senesperaj Hejmvirinoj | |
|---|---|
| televida serio | |
| Originala titolo | Desperate Housewives |
| Originala lingvo | angla lingvo |
| Origina lando | Usono |
| Ĝenro | Drama komedio |
| Kreita de | Marc Cherry |
| Aktoroj | Teri Hatcher (Susan Delfino) Felicity Huffman (Lynette Scavo) Marcia Cross (Bree Van de Kamp) Eva Longoria (Gabrielle Solis) Vanessa L. Williams (Renee Perry) duarangaj Doug Savant (edzo de Lynette Scavo) kaj Dana Delany (Katherine Mayfair) |
| Rakontita de | Brenda Strong |
| Muziko de | Steve Jablonsky, Danny Elfman |
| Lingvo(j) | Angla |
| Amplekso | |
| Sezonoj | 8 |
| Epizodoj | 166 |
| Daŭro sen reklamoj | 42 minutoj |
| Elsendo | |
| Bilda formato | 16/9 |
| Elsendita | 3-a de oktobro 2004 – 13-a de majo 2012 |
| Eksteraj ligiloj | |
| http://abc.go.com/shows/desperate-housewives | |
| ĉe IMDb | |
Desperate Housewives ([ˈhaʊswaɪvz], Esperantigite Senesperaj Hejmvirinoj) estas usona dram-komedio-mistera televida serio gajnanta premiojn Emmy kaj Golden Globe, kreita fare de Mark Cherry kaj elsendita ekde de la 3-a de oktobro 2004 fare de la ABC televida-reto. La serio prezentas la vivojn de kvar dommastrinoj kiuj vivas sur Wisteria Lane, fikcia strato en trankvila antaŭurbo nomita Fairview, kaj sekvas iliajn personajn luktojn kiam granda mistero pendas en la aero, post la sinmortigo de unu el la virinoj. La intrigo sekvas la vivon de grupo de virinoj, viditaj de la okuloj de ilia mortinta najbarino. Ili baraktas en hejmaj problemoj kaj familia vivo, alfrontante sekretojn, krimojn kaj misterojn kaŝitajn malantaŭ la pordoj de ilia ŝajne bela kaj perfekta najbarejo. La serio traktas la rilatojn inter la kvar virinoj kaj ili mem, inter ili kaj iliaj familianoj kaj aliaj loĝantoj de Wisteria Lane.
La serio ricevis bonegajn recenzojn, kaj kune kun Grey's Anatomy kaj Lost saltis al la pinto de la furorlisto, kun mezumo de pli ol 23.5 milionoj da spektantoj per epizodo. Tutmonde, la serio gajnis proksimume 119 milionojn da regulaj spektantoj. La serio estis difinita pli ol unufoje fare de kritikistoj kaj spektantoj kiel "Sekso kaj la Urbo, sed en la Antaŭurboj", sed malgraŭ tio estas multaj diferencoj inter la du serioj, ĉefe inter ili estas la mistero kiu karakterizis la serion de ĝia komenco.
La serio gajnis multajn premiojn, inkluzive de en oktobro 2012 ĝi gajnis la "Best Series" premion ĉe la Golden Cricket-ceremonio, tributo al sia foriro de la ekranoj en majo de tiu jaro.
La serio estas iom inspirita de la filmo American Beauty.
