Reims

Ĝemelurboj
	Aachen • kantono Arlington • Florenco • Brazavilo • Canterbury • Salcburgo • Kutná Hora • Nagoja Urbo vd

Reims
	; Fotokunmetaĵo
komunumo en Francio • urbego
Ĝemelurboj
	Aachen • kantono Arlington • Florenco • Brazavilo • Canterbury • Salcburgo • Kutná Hora • Nagoja Urbo vd
Administrado
Lando	Francio
Regiono	Grand Est
Departemento	Marne
Arondismento	Reims
Kantono	Kantonoj Reims-1, -2, -3, -4, -5, -6, -7, -8 kaj -9
Komunumaro	Reims Métropole
Urbestro	Arnaud Robinet (2020-2026)
Insee-kodo	51454
Poŝtkodo	51100
Demografio
Loĝantaro	179 992 (2010)
Loĝdenso	3 837,8 loĝ./km2
Geografio
Koordinatoj	49° 16′ N, 4° 2′ O (mapo)49.265284.02861Koordinatoj: 49° 16′ N, 4° 2′ O (mapo)
Alteco	74 ĝis 137 m
Areo	46,9 km2
Situo
Reims (Reims)
Reims (Francio)
	v • d • r

Por samtitola artikolo vidu la paĝon Reims (stacidomo).

Reims [ʁɛ̃s] estas urbo en nordorienta Francio. Laŭ la stato de 2021 en la komunumo vivis 179 380 loĝantoj sur areo de 46,9 kvadrataj kilometroj, kio rezultigas loĝdenson de 3 825 loĝantoj/km² - en 2010 ĝi havis 179 992 loĝantojn.^[1] Pro tio estas la plej loĝata komunumo en la departemento Marne kaj la regiono Grand Est, kvankam ĝi nur estas subprefektejo.

Reims dum romia tempo estis Durocortorum, sed antaŭe estis ĉefurbo de la galla popolo Rèmes. Ĝi estis la ĉefurbo de la historia provinco de Ĉampanjo, kaj ankaŭ la precipa centro de Ĉampano-keloj. Tie estis kronitaj la reĝoj de Francio, post kiam Klodvigo la 1-a igis sin kristano kaj igis sin kroni per Sankta Remiĝo ĉirkaŭ la jaro 500 (laŭ iuj en 498/499, laŭ aliaj en 507).

Reims posedas tri lokojn apartenantajn al la monda heredaĵo de Unesko: katedralon, la bazilikon Sankta Remio kaj la palacon de Tau^[2].

Geografio

Situo de Reims inter la komunumoj de Marne

Reims situas en nordorienta Francio, 130 km de Parizo, 157 km de Metz, 168 km de Lille kaj 282 km de Strasburgo.

Ĉirkaŭ **Reims**
Saint-Thierry	Courcy, Bétheny	Witry-lès-Reims
Saint-Brice-Courcelles, Tinqueux		Cernay-lès-Reims
Bezannes, Villers-aux-Nœuds	Champfleury, Trois-Puits, Cormontreuil	Taissy, Saint-Léonard, Puisieulx

Monumentoj

Katedralo Nia Sinjorino

La katedralo de Reims

Ĉefa vidindaĵo de Reims estas ĝia katedralo, unu el la plej belaj gotikaj konstruaĵoj. En ĝi la reĝoj de Francio kutime estis kronitaj.

Ĝi estas parto de la Monda Kulturheredaĵo de UNESKO^[2] kaj tutmonde fama pro siaj eleganteco kaj harmonieco. Rimarkindaj estas ankaŭ ĝia statuaro kaj ĝiaj vitraloj, precipe la granda rozo.

Baziliko Sankta Remio

Post la katedralo, kiun ĝi preskaŭ egalas laŭ grando, la plej fama preĝejo de Reims estas la baziliko Sankta Remio, dum iu tempo ligita al grava monaĥejo. Ĝi estis konstruita dum la 11-a, 12-a, 13-a kaj 15-a jarcentoj. La navo kaj la ĉefa transepto estas la plej malnovaj partoj; la fasado de la suda transepto estas pli nova.

La Marsa Pordego

Marsa Pordego

La Marsa Pordego estas la plej malnova monumento de la urbo. Ĝia nomo devenas de la romia dio Marso, kiu proksime havis templon. Ĝi ne vere estas pordego, sed triumfarko 33 metrojn longa kaj 13 metrojn alta, konsistanta el tri arkoj.