Mettmenstetten

Por samtitola artikolo vidu la paĝon Mettmenstetten (stacidomo).

Mettmenstetten estas komunumo en la distrikto Affoltern, Kantono Zuriko, Svislando. Ĝi havis 4065 loĝantojn je la 31-a de decembro 2007.

Mettmenstetten
Blazono de Mettmenstetten
Reformita preĝejo de Mettmenstetten
komunumo en Svislando
Kantono	Zuriko
Distrikto	Affoltern
Koordinatoj	47° 14′ 42″ N 8° 27′ 52″ O (mapo)
Nombro de loĝantoj	4065
Areo	13,11 km²
Alteco	468 m super marnivelo
Poŝtkodo	8932
Komunumkodo	0009
Mapo de Mettmenstetten

Geografio

Mettmenstetten situas en kampara regiono meze en la Porka Prefektujo, kiel nomiĝas tradicie la regiono okcidente de la montoĉeno de Albis en la valo de la rivero Jonen, kiu alfluas la riveron Reuss.

Trafiko

Mettmenstetten situas ĉe la trajnlinio de Svisaj Federaciaj Fervojoj inter Zuriko kaj Affoltern ĉe Albis kaj Zugo. Ankaŭ per poŝtaŭtobuslinio trans la Albispasejo kaj aliaj buslinioj la komunumo estas bone konektita kun la reto de la Zurika Trafik-Unio.

Historio

La unua dokumenta mencio de Mettmenstetten datiĝas de la jaro 1116 kiel Metemunstat. La posedon de la regiono akiris en la jaro 1173 la habsburganoj. La kavaliroj de Hünenberg fariĝis la voktoj de Obermettmenstetten ekde la jaro 1346. De ili devenas la blazono de la komunumo. En la 15-a jarcento la posedaĵo transiris al Zuriko kaj integriĝis en la voktdistrikton Knonaŭo, kiu fariĝis en la jaro 1835 la distrikto Affoltern.

Vidu ankaŭ

• Mettmenstetten (stacidomo)

Eksteraj ligiloj

• Oficiala retejo de la komunumo Mettmenstetten