Falera
Falera estas komunumo de la komunumaro Ilanz kaj la distrikto Surselva en Kantono Grizono, Svislando. Ĝi havis 577 loĝantojn je la 31-a de decembro 2009.
| Falera | |
|---|---|
 | |
 | |
| komunumo en Svislando | |
| Kantono | Grizono |
| Distrikto | Surselva |
| Komunumaro | Ilanz |
| Koordinatoj | 46° 48′ 0″ N 9° 13′ 48″ O / 46.80000 °N, 9.23000 °O (mapo)Koordinatoj: 46° 48′ 0″ N 9° 13′ 48″ O / 46.80000 °N, 9.23000 °O (mapo) |
|
| |
| Areo | 22,36 km² |
| Alteco | 1220 m super marnivelo |
| Poŝtkodo | 7153 |
| Komunumkodo | 3572 |
 | |
Geografio
redaktiFalera situas sur la norda flanko de la valo de Antaŭa Rejno. La terotitorio de la komunumo entendiĝas ĝis Vorab-Glaĉero en la Glarusaj Alpoj. Sur la komunuma tereno troviĝas la monto Crap Sogn Gion, kiu atingeblas per aertelfero de Laax. Al la komunumo apartenas la setlejoj Muota, Parmun, Badugns kaj Cavarschons.
Najbaraj komunumoj
redaktiLa komunumo Falera limas en nordo kaj oriento al Laax, en sudoriento al Sagogn, en sudo al Schluein, en sudokcidento al Ladir, en okcidento al eksklavo de Schnaus, en nordokcidento al eksklavo de Ladir, kaj en nordnordokcidento al Ruschein.
Menhira aleo
redaktiAparta vidindaĵo en la komunumo estas la menhira aleo el la bronzoepoko. La menhiroj estis centro de kultaj agoj, sed ankaŭ havis astronomian signifon. Al la instalaĵo apartenas ŝtonoj por kalkuli la someran kaj vintran solsticon, la nord-sud-direkton, la ekvinoksojn kaj la stelon Kefo de la konstelacio Kasiopeo. [1]
Lingvoj
redaktiKvankam ankaŭ en Falera dum la lastaj jaroj la parto de germanlingvanoj kreskis, la ĉefa lingvo de la komunumo daŭre estas la romanĉa. Okaze de la popolnombrado de la jaro 1990 80,94% parolis la romanĉan kaj 17,57% la germanan lingvon. En la jaro 2000 estis ankoraŭ 67,46% da romanĉlingvanoj kaj jam 28,77% da germanlingvanoj. La elcentaĵo de itallingvanoj kreskis de 0,74% en la jaro 1990 al 1,98% en la jaro 2000.
Trafiko
redaktiLa vilaĝo de Falera estas senaŭtomobila zono, kiun oni rajtas alveturi nur kun speciala permeso. La aŭtomobilojn oni devas parki sur parkejo sube de la vilaĝo apud la kantona ĉefvojo 19.
Historio
redaktiLa unua dokumenta mencio de Falera datiĝas el la jaro 765 kiel Falariae. La menhira aleo supozeble estas restaĵo de la antaŭhistoria sunokultocentro. En Muota estis trovita 80 cm longa bronzopinkglo kun disko, kiu montras la venusan plandedovojon el la jaro 1600 antaŭ Kristo kaj du bronzaj serpoj.[2]
Notoj kaj referencoj
redakti- ↑ Fonto: Artikolo en la retejo de Aŭstra Radio[rompita ligilo]
- ↑ Fonto: Adolf Collenberg: Falera en Historia Leksikono de Svislando (2005-11-28)
Eksteraj ligiloj
redakti- Oficiala retejo de la komunumo Falera Arkivigite je 2002-09-29 per la retarkivo Wayback Machine
- Falera en la Historia Leksikono de Svislando (germane, france, itale)
- Vidu ankaŭ en la Vikimedia Komunejo la kategorion Falera – (Kolekto de bildoj kaj plurmediaj dosieroj)