Creative Commons
 Creative Commons |
|---|
| instantia de: nonprofit organization[*], publishing company[*], autor[*] |
| parte de: free-culture movement[*] |
|
|
| data de creation: 15 januario 2001 |
| sito web official: https://creativecommons.org/ |
| Commons: Creative Commons |
Creative Commons (CC) es un projecto de origine statounitese pro le promotion de contento aperte. Le objectivo es le facilitation del distribution de obras creative de modo plus libere que le derecto de autor traditional, de sorta que tal obras pote esser copiate e distribuite plus facilemente o que altere personas pote modificar e meliorar los. Le projecto offere diverse licentias libere que le possessores de copyright pote usar pro evitar le problemas de distribution causate per le legislation conventional concernente le proprietate intellectual.
Fundatores
[modificar | modificar fonte]
Le initiativa ha essite fundate in 2001 per, inter alteres, Lawrence Lessig, un importante defensor pro un systema plus flexibile de derecto de autor. Creative Commons comprehende un numero de projectos international pro traducer le licentias ab anglese e ab le derecto statounitese in altere linguas e systemas juridic.
Adaptationes national
[modificar | modificar fonte]Le universalitate de iste licentias ha date loco a questiones concernente le differentia de interpretation inter le diverse systemas juridic existente in diverse paises. Pro remediar le incertitude relative a iste differentias, CC ha componite versiones national de su licentias, adaptate al systemas juridic de cata pais.
Applicationes
[modificar | modificar fonte]Multe projectos usa un licentia Creative Commons, includente Wikipedia e Wikibooks. In ultra il existe in Wikimedia Commons le possibilitate de incargar materiales multimedia, como imagines o musica, in tote le projectos de Wikimedia sub un licentia libere de Creative Commons.
Licentias
[modificar | modificar fonte]Le quatro punctos del licentias Creative Commons:
BY: Attribution: es permittite copiar, distribuer, exhibir e representar le obra e obras derivate a condition que le autor original es recognoscite.
NC: Non-commercial: copiar, distribuer, exhibir e representar le obra e obras derivate non es permittite pro scopos commercial.
ND: No Derivative Works o nulle obras derivate: es permittite copiar, distribuer, exhibir e representar le obra, ma non modificar lo.
SA: Share Alike o compartir equalmente: le distribution de obras derivate es solmente permittite sub un licentia identic, vide etiam copyleft.
Existe diverse licentias CC, nominate secundo qual criterios supra mentionate illos contine. Per exemplo il ha CC-BY, que contine BY ma non NC e SA, o CC-BY-NC-ND, que contine BY, NC e ND ma non SA.