US Open
C'l artìcul chè 'l è scrit in
Miranduléś |
![](http://upload.wikimedia.org/wikipedia/commons/thumb/5/59/US_Open_Trophy_%28US_Open_-_Gentlemen%27s_single%29.svg/190px-US_Open_Trophy_%28US_Open_-_Gentlemen%27s_single%29.svg.png)
![](http://upload.wikimedia.org/wikipedia/commons/thumb/1/10/US_Open_Trophy_%28US_Open_-_Women%27s_single%29.svg/150px-US_Open_Trophy_%28US_Open_-_Women%27s_single%29.svg.png)
Gl’US Open (a s lèś [ˌjuː ɛs ˈəʊpən] in ingléś) 'l è 'n turnèo ad tènis ch'a s tîṅ tut i an a New York in di camp dal parc ad Flushing Meadows fra Agóst e 'l inìsi 'd Setémbar.
'L è 'l quàrt e ùlt'm evènt dal Gran Ślam d'l an, dòp Wimbledon. La prima edisiòṅ la gh'è stada in dal 1881 e la s śugàva su èrba, pò in dal 1975 a s è pasâ a la tèra vérda par rivàr a 'l cimènt 'd adès in dal 1978. I gh tōśan part siē-sènt tenìsta prufesiunìsta a 'l incìrca, divìś fra masć e fémni, ch'i pōlan śugàr al singulàr, al dópi o 'l dópi misć. Al vinsidōr dal sìngul al s mét in bisàca dū-mila punt e tri migliòṅ e sèt ad dòlar.
Tgnénd adrē a 'l palmarès, i śugadōr più vinsènt chè in dl'éra „open“, dòp al 1968, i èṅ gl'americàṅ Jimmy Connors e Pete Sampras e 'l śvìsar Roger Federer cun sinc sucès. Fra 'l dóni a 'l prim pòst a gh'è l'americàna Chris Evert insém a la Serena Williams cun siē vìnsidi.
Fra gl'itagliàṅ a gh'è da nutàr al tìtul 2015 dla Flavia Pennetta ch'l'à batû, in na finàł tuta pugléśa, la Roberta Vinci. La rumagnōla Sara Errani l'à invéci fat semifinàl in dal 2012.
- Soquànt prutagunìsta dal turnèo
-
La Chris Evert