Love Story (film 1970)
|
C'l artìcul chè 'l è scrit in
Miranduléś |
 Love Story
| ||
| Love Story | ||
.png) L'Ali MacGraw e Ryan O'Neal in na figùra dal film | ||
| Stòria 'd Amōr 1970 | ||
|---|---|---|
| Regìa: Arthur Hiller | ||
| Scritōr: Erich Segal | ||
| Atōr: Ali MacGraw • Ryan O'Neal • Ray Milland John Marley • Russell Nype • Tommy Lee Jones Katharine Balfour • Sydney Walker • Sudie Bond Robert Modica • Andrew Duncan • Charlotte Ford | ||
| Müsica: Francis Lai | ||
| Léngua: Ingléś | ||
| Dürä dal film: 99 minüt | ||
| Nasiōṅ: Stat Unî | ||
Love Story (Stòria 'd Amōr) 'l è 'n film dramàtic americàṅ dal 1970 'd Arthur Hiller trat da 'l rumànś umònim 'd Erich Segal. Cl'òpra chè l'à vins al Prèmi Òscar dal 1971 par la culòna sunóra ad Francis Lai dòp avér ciapâ sèt candidadùri in tut e anc sinc Golden Globe e dū Dàvid ad Dunatèl. Al gh'à abû 'n séguit in dal 1978, Oliver's Story.
Giràda c'n un budget stimâ ad dū migliòṅ e dū ad dòlar, la pelìcula l'è stada bòna ad far-an sù da piò ad sènt-siē in di sōi Stat Unî, al sucès più grand in alóra par la Paramount Pictures ch'la l'à prudóta.
Sunt
Oliver (Ryan O'Neal), quàrt mémbar di Barrett a purtàr cal nóm lè dòp sò pàdar (Ray Milland), óm ad bòna famìja e pîṅ ad bèsi, 'l è 'n studènt e 'n śugadōr 'd hockey a l'università 'd Harvard. Un dè al cgnós in na bibliutéca la studènta 'd mùśica italoamericàna Jennifer Cavalleri (Ali MacGraw) e al taca sèg na stòria 'd amōr anc s'i suo i gh'èṅ cóntar.
Quànd i dū śōv'n i decìd'n ad spuśàr-as, Oliver 'l è custrét a vìv'r in buléta parchè sò pàd'r al taja tut i rapòrt e anc i rubinét. Par scampàr in na quàlc manéra la Jennifer la taca a far la mistra mént'r al ragàs al gh la cava a ciapàr la làurea cun di vōt dimóndi élt e a catàr un pòst impurtànt a New York in un studi 'd avucàt. Adès i gh càlan sōl di fiōi che però i n rìvan briśa. Faghénd di anàliśi la Jennifer la vîṅ a savēr 'd avér la leucemìa e ch'a gh armàgn pôc da vìvar.