Kànsas
C'l artìcul chè 'l è scrit in
Miranduléś |
![](http://upload.wikimedia.org/wikipedia/commons/thumb/4/45/Seal_of_Kansas.svg/160px-Seal_of_Kansas.svg.png)
![](http://upload.wikimedia.org/wikipedia/commons/thumb/d/da/Flag_of_Kansas.svg/255px-Flag_of_Kansas.svg.png)
![](http://upload.wikimedia.org/wikipedia/commons/thumb/a/a6/Kansas_in_United_States.svg/255px-Kansas_in_United_States.svg.png)
Al Kànsas (a s lèś /ˈkænzəs/ in Ingléś, scólta'l chè) 'l è 'n stat dal sèntar di Stat Unî ch'al s è unî a la federasiòṅ in dal 1861. Al sò mòt in latìn 'l è „Ad astra per aspera“ (Pasàr p'r i quèi difìcil par rivàr a 'l stéli) mént'r al sò scutmàj ufisiàł 'l è „The Sunflower State“ ch'a vōl dir “Al stat dal mirasōl”, fiōr ch'al s cata anc in dla sò bandéra. Al nóm al daśvîṅ da la tribù Sioux di Kansa.
La sò capitàl l'è Tupéka ma 'l sò sità più grandi, in d'l órdan, i èṅ invéci Wichita, Overland Park e Kànsas City. Al Kànsas, ch'al mùcia sù dū migliòṅ e nóṿ 'd abitànt a 'l incìrca par na superfìsi ad 213.096 km², 'l è divìś in sènt-sinc cuntèi e in siesènt-vintsèt cumùṅ. In dal 2010 al 83,8% di sò abitànt i ér'n ad rasa biànca mént'r al 5,9% ad rasa négra.
Al cunfìna a nòrd c'n al Nebràska, a èst c'n al Missouri, a sud cun 'l Oklahoma e a òvest c'n al Culuràdo.
In dal Kànsas l'agricultùra l'è dimóndi impurtànta, specialmènt in dal camp dal graṅ, dal furmintòṅ, dla sòja e dal cutòṅ mént'r al bèsti tiràdi sù in di alevamènt i èṅ i bóv, al péguri e i nimài. I sò diśucupâ, in d'l Avrìl dal 2015, i ér'n a 'l 4,3%.
Al sò guvernadōr, da 'l 2018, 'l è 'l republicàṅ Jeff Colyer.