Iowa
C'l artìcul chè 'l è scrit in
Miranduléś |
![](http://upload.wikimedia.org/wikipedia/commons/thumb/e/e7/State_seal_of_Iowa.svg/180px-State_seal_of_Iowa.svg.png)
![](http://upload.wikimedia.org/wikipedia/commons/thumb/a/aa/Flag_of_Iowa.svg/260px-Flag_of_Iowa.svg.png)
![](http://upload.wikimedia.org/wikipedia/commons/thumb/5/57/Iowa_in_United_States.svg/260px-Iowa_in_United_States.svg.png)
'L Iowa (a s lèś /ˈaɪ.əwə/ in Ingléś, scólta'l chè) 'l è 'n stat di Stat Unî dal Midwest ch'al s è unî a la federasiòṅ in dal 1846. Al sò mòt 'l è „Our liberties we prize and our rights we will maintain“ (Al nòstri libertà i s piàś'n e a tgném dacàt i nòstar dirìt) mént'r al sò scutmàj 'l è 'l Al stat d'l òć ad falchét, uśèl ch'al s cata in dal sò scûd e in dla sò bandéra. Al nóm invéci al daśvîṅ da la tribù ad natìṿ americàṅ di Ioway, dla rasa di Sioux, ch'i aṅ dâ, ad sò vuluntà, al sò teritòri a i Stat Unî in dal 1836 p'r andàr a star in d'l Oklahoma.
Al cunfìna a nòrd c'n al Minneśòta, a òvest c'n al Nebràska e c'n al Dakòta dal Sud, a sud c'n al Missouri e a èst c'n al Wiscònsin e cun 'l Illinòis. Al sò guvernadōr, da 'l 2011, 'l è 'l republicàṅ Terry Branstad.
La sò capitàl, e sèntar prinsìpàł dal paéś, l'è Des Moines cun Cedar Rapids, Davenport e Sioux City atri sità impurtànti. 'L Iowa al gh'à nuànta-nóṿ cuntèi e nuvsènt-quarantasèt cumùṅ. La sò pupulasiòṅ l'è 'd tri migliòṅ e sènt-mila abitànt a 'l incìrca par na superfìsi ad 145.743 km².
L'indùstria, l'agricultùra (sòja) e 'l turìśum i èṅ i setōr ecunòmic più impurtànt dal paéś. 'L Iowa 'l è prim prudutōr ad gugiōi di Stat Unî.