Alessandra Sardoni
C'l artìcul chè 'l è scrit in
Miranduléś |
![](http://upload.wikimedia.org/wikipedia/commons/thumb/0/03/Alessandra_Sardoni.jpg/250px-Alessandra_Sardoni.jpg)
L’Alessandra Sardoni (Róma, 5 ad Maǵ dal 1964) l'è na giurnalìsta e cundutōra televiśìva itagliàna.
Biugrafìa
Dòp ès'r-as laureàda in filuśufìa dal linguàǵ sóta la diresiòṅ ad Tullio De Mauro la taca la caréra in dal giurnalìśum laurànd par l'edisiòṅ ad Nàpuli ad La Repubblica e par la Mediaset. In dal 1991, sóta la diresiòṅ dla Daniela Brancati, l'è in dal grup di giurnalìsta dal VM Giornale ad Videomusic insém a Damiano Ficoneri e a la Flavia Fratello.
In séguit, dòp la cumpràda dal canàł tuscàṅ da part ad Vittorio Cecchi Gori, la pasa a TMC ch'la dvènta LA7 in dal 2001. Par cal network lè la dvènta prima inviàda in 2002 e pò anc cundutōra ad prugràma 'd infurmasiòṅ cuma Otto e mezzo, In onda e Omnibus. In cal méntar la culàbura anc c'n al quotidiàṅ Il Foglio.
In di an 2013 e 2014 l'è la prima dóna presidènta dl'asuciasiòṅ dla stampa parlamentàra. In dal 2015 a gh vîṅ dâ 'l Premiulèṅ, al prèmi giurnalìstic itagliàṅ più antìg e prestigióś.
La Sardoni l'à anc scrit dū lìbar: „Al fantàśma dal leader. D'Alema e gl'àtar cap mancâ dal sèntar-sinìstra“ (2009) e „Irespunsàbil. Al putēr itagliàṅ e la pretéśa dl'inusénsa“ (2017).