Dal tramonto all'alba
|
C'l artìcul chè 'l è scrit in
Miranduléś |
 From Dusk till Dawn
| ||
| Dal tramonto all'alba | ||
 Tarantino, la Hayek e Clooney in na figùra dal film | ||
| Da 'l tramònt a l'alba 1996 | ||
|---|---|---|
| Regìa: Robert Rodriguez | ||
| Scritōr: Robert Kurtzman • Quentin Tarantino | ||
| Atōr: George Clooney • John Saxon • Tom Savini Quentin Tarantino • Harvey Keitel • Salma Hayek Juliette Lewis • John Hawkes • Tito Larriva Danny Trejo • Kelly Preston • John Hawkes | ||
| Müsica: Graeme Revell | ||
| Léngua: Ingléś • Spagnōl | ||
| Dürä dal film: 108 minüt | ||
| Nasiōṅ: Stat Unî | ||
Dal tramonto all'alba (Da 'l tramònt a l'alba) 'l è 'n film ad scarésa americàṅ dal 1996 ad Robert Rodriguez.
Custâ daśnóṿ migliòṅ ad dòlar, al 'n à pò purtâ a cà dagnóra vint-siē. Vist al sucès dla pelìcula, Quentin Tarantino, Robert Rodríguez e Lawrence Bender i aṅ prudót dū séguit che però i n aṅ minga fat àtar tant: Dal tramonto all'alba 2 - Texas, sangue e denaro dal 1999 e Dal tramonto all'alba 3 - La figlia del boia dal 2000.
Sunt
Dòp na rubarìa finìda in dal sangṿ, i fradèi Seth (George Clooney) e Richard Gecko (Quentin Tarantino) i scàp'n a gambi alvàdi vèrs la fruntéra dal Mèsic cun sèg na valìś pîna 'd bèsi e na dóna in ustàǵ, la Gloria Hill (Brenda Hillhouse). A spétar-i e a dar-ag na maṅ a gh'è 'n boss dal narcutràfic, Carlos Madrigal (Cheech Marin), ch'al gh dà apuntamènt in un bar par camiunìsta, avèrt da 'l tramònt a l'alba, ciamâ „Titty Twister“.
Lung la via i incróś'n in un mutèl la famìja Fuller ch'l'è là p'r al vacànsi. A s trata dal pastōr Jacob (Harvey Keitel), ch'al n créd piò in Dio cuma na vòlta dòp ch'l à pardû sò mujér Jenny, ad sò fiōl Scott (Ernest Liu) e 'd sò fiōla Kate (Juliette Lewis).