Bagnowe njezabyńki
| |
| Bagnowe njezabyńki (Myosotis scorpioides) | |
| systematika | |
|---|---|
| Domena | Eukaryoty |
| Swět | Rostlinstwo |
| Jědrowe eudikotyledony | |
| Asteridy Euasteridy I | |
| pórěd: | (Boraginales) |
| rod: | Njezabyńki[1][2] (Myosotis) |
| družyna: | Bagnowe njezabyńki |
| wědomnostne mě | |
| Myosotis scorpioides | |
| L. | |
Bagnowe njezabyńki (Myosotis scorpioides) su družyna swójźby boretšowych rostlinow (Boraginaceae).
Wopis
[wobźěłaś | žrědłowy tekst wobźěłaś]Bagnowe njezabyńki su trajne zele, kótarež dośěgnjo wusokosć wót 10 až do 100 cm.
Kijaški su na spódku zwětšego lažece, kórjenjece, mjaztym až su dołojce wótstojecy kósmate a górjejce pśilěgajucy kósmate.
Łopjena
[wobźěłaś | žrědłowy tekst wobźěłaś]Łopjena su lancetojte a dośěgnu dłujkosć wót 2 až do 10 cm a šyrokosć wót 5 až do 20 mm.
Kwiśonki
[wobźěłaś | žrědłowy tekst wobźěłaś]Kwitu wót maja až do septembra. Kwiśonki dośěgnu wjelikosć wót 6 až do 10 mm a njasu žołtu rinku. Wóni stoje w na zachopjeńku zawijanem kwiśonkowem stołku, kótaryž njama łopjeńka. Keluch jo pśilěgajucy kósmaty a njama kokulkate kósmy. Krona jo na zachopjeńku cerwjenojta, pózdźej njebjomódra a dośěgnjo šyrokosć wót 4 až do 8 mm.
Proškowe łopjeńka su w kronowej rorce schowane. Na zachoźe k rorce jo město togo rinka z pěś žołtych spjerchlinow. Dla formoweje a barwoweje pódobnosći z wopšawdnymi proškowymi łopjeńkami se insekty pśiwabjaju. Naraz zajźuju, až se mógu małke insekty do kwiśonkow zadobywaś.
Nektar na spódku jano 3 mm dłujkeje rorki se móžo wót pcołkow, mjatelow a wjele družynow muchow dośěgnuś.
Stojnišćo
[wobźěłaś | žrědłowy tekst wobźěłaś]Rostu na włožnych łukach, w groblach, na brjogach a w ługowych lěsach. Ma lubjej wutkate zemje.
Rozšyrjenje
[wobźěłaś | žrědłowy tekst wobźěłaś]Pódobna družyna
[wobźěłaś | žrědłowy tekst wobźěłaś]- Lěsne njezabyńki (Myosotis sylvatica) maju wótstojece kósmy na kijaškach a na keluchach.
Nožki
[wobźěłaś | žrědłowy tekst wobźěłaś]- ↑ Starosta: Dolnoserbsko-nimski słownik, Niedersorbisch-deutsches Wörterbuch, Bautzen 1999, ISBN 3-7420-1096-4, bok 280
- ↑ W internetowem słowniku: Vergißmeinnicht
Žrědła
[wobźěłaś | žrědłowy tekst wobźěłaś]- Schauer - Caspari: Pflanzenführer für unterwegs, ISBN 978-3-8354-0354-3, 2. nakład, 2008, bok 294, z wědomnostnym mjenim Myosotis palustris (nim.)
- Spohn, Aichele, Golte-Bechtle, Spohn: Was blüht denn da? Kosmos Naturführer (2008), ISBN 978-3-440-11379-0, bok 210, z wědomnostnyma mjenjoma Myosotis scorpoides a Myosotis palustris (nim.)
