Her
Her (Equus africanus asinus) yew heywanê de baranteno. Lıngê heran yê estoran ra ferqınê, coka heri şenê davacerdeki rınd/hewl veciyê ra gılan. Heri estoran ra zêde bar şenê bıancê. Heri vaşwerdoğê (vecetaryenê) u xeylê wext şenê teyşaniye rê tehemul bıkerê. Raya raşte de ê şenê 50 km/ç [çipeniye = xız, surret] bıvezê.
Her | |
---|---|
![]() | |
Şınasnayış | |
Rêza taksoni | Torobınên |
Latinki | Equus africanus asinus |
Taksonomiye | |
Serfamilya | Equus africanus |
Familya | Equus asinus |
Familyeyê bınêni | Equus asinus û Donkey |
Rengê muyanê xoyê tayine bozo, yê tayine qehwerengi, yê tayine ki siyao. Erd ra berzeniya peştia heran teqribi 90-160 cm (santimetre)wo. 2-2,5 serre de benê pil u şenê kurri/kurrık bıkerê. Dıganiya heran teqribi 12 ya ki 14 aşmi bena u kurrıkê xo 6 ya ki 9 aşman xo de fetelnenê u kenê weyi, cızık /çıçık danê cı.
Heri estoran ra zêde cıwiyenê/weş manenê. Teqribi 40 serre cıwiyenê.
Anciya/Fına yê heran 5 parsuyê xo zêderê u qromozomê xo ki 31 cıteyê. Yê estoran 31 cıteyê.
Mıayenê newiyo ke serê DNSê heran de vıraziyo, veto meydan ke koka heran Afrika ra yena. Heri xeylê raver ra destê insanan ra ameyo weyikerdene. 4000 milad ra raver Mısır de dormeyê Nili de insanan heri kerdê weyi. O ra tepiya ki Mezopotamya de insanan weyikerdena heran musay.