Neidio i'r cynnwys

Sgrin gyffwrdd

Oddi ar Wicipedia
Ymwelydd yn dewis iaith ar sgrin gyffwrdd mewn arddangosfa.

Dyfais fewnbwn electronig yw'r sgrin gyffwrdd, a ddefnyddir i weithio dyfais prosesu gwybodaeth fel ffôn neu liniadur. Gall y defnyddiwr reoli'r system brosesu gwybodaeth hon trwy gyffwrdd â'r sgrîn gyda stylus arbennig neu ei fysedd. Mae'r haen dryloyw yma'n caniatau i'r defnyddiwr ymateb i'r hyn a ddangosir ar y sgrin, ac wrth wneud hyn, mae'r defnyddiwr yn mewnbynnu gwybodaeth. Dull amgen o fewnbynnu gwybodaeth yw drwy roi cyfarwyddyd llais i'r ddyfais; yr hen ddull oedd drwy symud llygoden electronig.

Gosodir sgrin gyffwrdd mewn teclynnau a dyfeisiau megis consolau gêm Nintendo, cyfrifiaduron personol, gliniaduron, peiriannau pleidleisio electronig, i reoli gwres a golau yn y cartref ac mewn siopau (POS) ayb. Gallant fod ynghlwm wrth gyfrifiaduron neu i derfynellau rhwydweithiau.

Hanes

[golygu | golygu cod]
Prototeip[1] sgrin gyffwrdd x-y mutual capacitance (chwith) a ddatblygwyd yn CERN[2][3] yn 1977 gan Frank Beck.[4] a'r self-capacitance screen (dde) a oedd yn ddatblygiad pellach; hefyd gan Stumpe.

Disgrifiodd Eric Johnson, o'r Sefydliad Radar Brenhinol, a leolir yn Malvern, Lloegr ei waith ar sgriniau cyffwrdd mewn erthygl fer a gyhoeddwyd ym 1965 ac yna'n llawn, gyda ffotograffau a diagramau, mewn erthygl a gyhoeddwyd ym 1967.[5][6]

Disgrifiwyd cymhwyso technoleg sgriniau cyffwrdd ar gyfer rheoli traffig awyr mewn erthygl a gyhoeddwyd ym 1968. Datblygodd Frank Beck a Bent Stumpe, peirianwyr yn CERN (Sefydliad Ewropeaidd ar gyfer Ymchwil Niwclear), sgrin gyffwrdd tryloyw yn y 1970au cynnar, yn seiliedig ar waith Stumpe mewn ffatri deledu yn y 1960au cynnar.[7] Yna datblygodd y dyfeisiwr Americanaidd George Samuel Hurst sgrin gyffwrdd a gafodd batent yr Unol Daleithiau Rhif 3,911,215 ar 7 Hydref, 1975.[8] Cynhyrchwyd y fersiwn gyntaf yn 1982.[9]

Y ffôn cyntaf i gynnwys sgrin gyffwrdd oedd LG Prada, a hynny ym Mai 2007, gan ragflaenu'r iPhone.

Cyfeiriadau

[golygu | golygu cod]
  1. ↑ The first capacitative touch screens at CERN. CERN Courrier. 31 Mawrth 2010. Archifwyd o'r gwreiddiol ar 4 Medi 2010. http://cerncourier.com/cws/article/cern/42092. Adalwyd 2010-05-25
  2. ↑ Bent STUMPE (16 Mawrth 1977). A new principle for x-y touch system. CERN. http://cdsweb.cern.ch/record/1266588/files/StumpeMar77.pdf. Adalwyd 2010-05-25
  3. ↑ Bent STUMPE (6 Chwefror 1978). Experiments to find a manufacturing process for an x-y touch screen. CERN. http://cdsweb.cern.ch/record/1266589/files/StumpeFeb78.pdf. Adalwyd 2010-05-25
  4. ↑ Two devices for operator interaction in the central control of the new CERN accelerator (Adroddiad). CERN. Mai 24, 1973. CERN-73-06. http://cds.cern.ch/record/186242/. Adalwyd 2017-09-14.
  5. ↑ Johnson, E.A. (1965). "Touch Display - A novel input/output device for computers". Electronics Letters 1 (8): 219–220. doi:10.1049/el:19650200. https://archive.org/details/sim_electronics-letters_1965-10_1_8/page/219.
  6. ↑ "1965 - The Touchscreen". Malvern Radar and Technology History Society. 2016. Archifwyd o'r gwreiddiol ar 31 Ionawr 2018. Cyrchwyd 24 Gorffennaf 2017. Unknown parameter |deadurl= ignored (help)
  7. ↑ "Another of CERN's many inventions! - CERN Document Server". CERN Document Server. Cyrchwyd 29 Gorffennaf 2015.
  8. ↑ USPTO. "DISCRIMINATING CONTACT SENSOR". Google. Archifwyd o'r gwreiddiol ar 19 Mai 2013. Cyrchwyd 6 April 2013. Unknown parameter |deadurl= ignored (help)
  9. ↑ oakridger.com, "G. Samuel Hurst -- the 'Tom Edison' of ORNL", December 14 2010[dolen farw]
Wedi dod o "https://cy.wikipedia.org/w/index.php?title=Sgrin_gyffwrdd&oldid=11023999"