John Field

John Field
Ganwyd	26 Gorffennaf 1782  Dulyn
Bu farw	23 Ionawr 1837  o niwmonia  Moscfa
Dinasyddiaeth	Gwyddel
Galwedigaeth	pianydd, cyfansoddwr, athro, bardd
Arddull	cerddoriaeth glasurol, Hwyrgan
Plant	Leon Leonov

Cyfansoddwr o Wyddel oedd John Field (26 Gorffennaf 1782 - 23 Ionawr 1837), a aned yn Nulyn. Daeth yn enwog fel un o'r prif gyfansoddwyr i'r piano yn ei ddydd a edmygid gan Haydn a Schumann.

Gyrfa

Roedd ei daid yn organydd a phianydd yn Nulyn a'i dad yn fiolinydd mewn cerddorfa yn yr un ddinas. Rhoddodd ei berfformiad cyntaf yn wyth oed, wedi ei hyfforddi gan Giordani. Yn llanc 11 oed, aeth gyda'i dad i fyw yn Llundain. Cafodd ei hyfforddi ymhellach yno gan Clementi. Perfformiodd o flaen cynulleidfa a oedd yn cynnwys Haydn, a ganmolodd ei berfformiad a darogan dyfodol llewyrchus iddo.

Aeth i St Petersburg, Rwsia, gyda Clementi. Arhosodd yno a daeth yn ffefryn yng nghylchoedd aristocrataidd y ddinas. Ymhlith ei ddisgyblion achlysurol roedd y Glinka ifanc. Teithiodd Ewrop wedyn fel pianydd virtuoso. Bu farw ym Moscfa o niwmonia.

Ei waith

Fel cyfansoddwr cerddoriaeth i'r piano, daeth yn adnabyddus ledled y cyfandir. Dyfeisiodd ac enwodd y Nocturne i'r piano; mae Chopin yn ddyledus iddo am y rhain. Cyhoeddodd Liszt argraffiad o nocturnes Field gyda rhagair canmoliaethus.

Cyfeiriadau

• Percy A. Scholes, The Oxford Companion to Music (Rhydychen, 10fed argraffiad, 1995)