Gary Lloyd
| Gwybodaeth Bersonol | |||
|---|---|---|---|
| Enw llawn | Gary Lloyd | ||
| Dyddiad geni | 26 Mawrth 1972 | ||
| Man geni | Abertawe, Cymru | ||
| Safle | Amddiffynnwr | ||
| Gyrfa Lawn* | |||
| Blwyddyn | Tîm | Ymdd† | (Gôl)† |
| 1992–1995 | Llanelli | 92 | (34) |
| 1995-2003 | Y Barri | 282 | (42) |
| 2003-2004 | Casnewydd | ||
| 2004-2005 | Caerfyrddin | 33 | (4) |
| 2005-2006 | Llanelli | 14 | (2) |
| 2006 | Caerfyrddin | 15 | (4) |
| 2006-2009 | Llanelli | 73 | (2) |
| * Cyfrifir yn unig: ymddangosiadau i Glybiau fel oedolyn a goliau domestg a sgoriwyd. sy'n gywir ar 7 Chwefror 2016 (UTC). † Ymddangosiadau (Goliau). | |||
Cyn bêl-droediwr gyda'r Barri Caerfyrddin a Llanelli yw Gary Lloyd.
Chwaraeodd Lloyd dros 500 o gemau yn Uwch Gynghrair Cymru gan ennill y Bencampwriaeth wyth gwaith yn ogystal â chodi Cwpan Cymru ar bedair achlysur a Chwpan y Gynghrair ar chwe achlysur.
Er cael treial gydag Abertawe, dechreuodd Lloyd ei yrfa’n chwarae i’w glwb lleol, Llanelli cyn ymuno â'r Barri yn Uwch Gynghrair Cymru ym 1994[1]
Chwaraeodd 282 o gemau i’r Barri rhwng 1994 a 2003, sef record ymddangosiadau’r clwb yn yr Uwch Gynghrair, gan ennill y Bencampwriaeth saith o weithiau mewn wyth tymor euraidd gyda’r clwb, a chipio Cwpan Cymru a Chwpan y Gynghrair bedair gwaith yr un.
Yn dilyn problemau ariannol y clwb, ymunodd â Chasnewydd am dymor ond dychwelodd i Uwch Gynghrair Cymru yn 2004-05 gyda Chaerfyrddin gan ennill Cwpan y Gynghrair am y pumed tro a chyrraedd rownd derfynol Cwpan Cymru yn 2004-05. Daeth awr fwyaf Lloyd i Gaerfyrddin yng Nghwpan UEFA, pan sgoriodd ddwywaith wrth guro Longford Town 5-1 ym muddugoliaeth gynta’r clwb yn Ewrop.[2]
Yn 2006, dychwelodd Lloyd i Lanelli gan ennilly Bencampwriaeth am yr wythfed tro a Chwpan y Gynghrair am y chweched tro yn ei yrfa.
Gwnaeth 29 o ymddangosiadau llawn mewn gemau Ewropeaidd i’r Barri, Caerfyrddin a Llanelli a Lloyd hefyd yw’r unig chwaraewr i gael ei alw i garfan ryngwladol Cymru tra’n dal i chwarae’n y gynghrair genedlaethol, a hynny i wynebu Gwlad Belg yn 1997.[3]
Ym mis Hydref 2012 cafodd Lloyd ei urddo'n aelod o Oriel Anfarwolion Uwch Gynghrair Cymru.[3]
Cyfeiriadau
[golygu | golygu cod]- ↑ "Gary Lloyd". welsh-premier.com. Archifwyd o'r gwreiddiol ar 2016-05-01. Cyrchwyd 2016-02-07.
- ↑ "Carmarthen 5-1 Longford". BBC Sport.
- ↑ 3.0 3.1 "Oriel yr Anfarwolion: Gary Lloyd". Sgorio. s4c.cymru/sgorio.