Sen olmasañ

Sen olmasañ ― qırımtatar şairi Seitümer Eminniñ yazğan bir şiiri.

Şiirniñ metni

Sen olmasañ, Aziz halqım,
Kim qorçalar, şavle saçar yoluma
Sen olmasañ, bülbül qonmaz
Qalem tutqan qoluma
Sen olmasañ, kim parçalar
Yüregimniñ buzlarıñ
Sen olmasañ, üşürim men,
Buzlarım
Sen olmasañ, yolda, ızda
qaltırarım, sızlarım
Sen olmasañ, yerde qalmaz
Ömür-bilâ ızlarım
Sen olmasañ, kim eşiter
Vatan degen sesimi
Sen olmasañ, men ölgen soñ
Kim hatırlar neslimi
Sen olmasañ, ne ay doğar
Ne tañ atar dünyada
Sen olmasañ, ne Vatan bar
Ne ana bar, ne baba
Sen olmasañ, ne Yalta bar,
Ne deñiz bar, ne ada
Sen olmasañ, yanğıramaz
Yerde kökte yırlarım
Sen olmasañ, yansın
Batsın felâketli şu Qırım
Sen olmasañ, Aziz halqım,
Kimge kerek bu dünya
Sen olmasañ, ey güzelim,
Öksüzim men Qırımda.

Menbalar

• Сеитумер Эмин - «Сен олмасанъ» ― К юбилею поэта студия Qaradeniz production записала одно из самых известных егостихотворений – «Сен олмасанъ». Его прочтут вам представители народа, без которого Сеитумер Эмин не представлял себе ни жизни, ни творчества, ни Родины, ни всего мира.