Wikipedia:Articulu26

U milvu (Milvus milvus) hè un aceddu chì faci partita di a famiglia di l'Accipitridae.

Hè un tipu d'aceddu chì hè cumunu in Auropa.

A coda di u milvu hè furcata. U so culori hè russicciu. U milvu pò campà sin'à 25 anni. U pesu di u milvu masciu varieghja trà 700 è 1000 grammi, è quiddu di a femina varieghja trà 900 è 1300 grammi. Magna topa, aciartuli, ruspa è ranochji, è mignoculi.

U milvu si cunnosci da u buzaiu chì u milvu hè codisfurcatu, inveci u buzaiu t'hà a coda ronda.

In Corsica ci si trova a più impurtanta pupulazioni di milvi d'Auropa. Ma hè raru d'ossirvà lu sopra à 1400 metri. U milvu hè più cumunu in Pumonti ca in Cismonti. Ma a più impurtanta pupulazioni di milvu in Corsica stà in Balagna.
Fraquenta piuttostu i rigioni piaghjinchi è a machja bassa. Par quissa, ùn si scontra micca in i furesti di l'interiori di l'isula nè menu in i machjona (...)