Pichjaronu

U pichjaronu
Picoides major
Classificazioni scentifica
Regnu	Animalia
Divisioni	Chordata
Classa	Aves
Ordini	Piciformes
Famiglia	Picidae
Genaru	Dendrocopos
Nomu binuminali
Dendrocopos major Linnaeus, 1753

U pichjaronu (Dendrocopos major) hè un aceddu chì faci parti di a famiglia di i Picidae.

Tassunumia

Sottuspezii

U numaru di sottuspezii di pichjaronu ricunnisciuti da i diffarenti autori hè assà varievuli, da 14 à guasgi 30, chì i cambiamenti sò clinichi ed esistini numarosi formi medii. Esistini attualmenti 24 sottuspezii ricunnisciuti :

• Dendrocopos major major (Linnaeus, 1758), a sottuspezia numinali, sparta da a Scandinavia è da u nordestu di a Polonia à a Siberia uccidentali ;
• Dendrocopos major brevirostris (Reichenbach, 1854), largamenti spartu da a Siberia uccidentali à a Siberia uriintali, è ancu in u nordestu di a China è u nordu di a Mongulia ;
• Dendrocopos major kamtschaticus (Dybowski, 1883), endemicu di a penisula di u Kamchatka ;
• Dendrocopos major anglicus Hartert, 1900, endemicu di a Grandi Brittania ;
• Dendrocopos major pinetorum (C. L. Brehm, 1831), spartu in Auropa cintrali ;
• Dendrocopos major parroti Hartert, 1900, endemicu di a Corsica ;
• Dendrocopos major harterti Arrigoni degli Oddi, 1902, endemicu di a Sardegna ;
• Dendrocopos major italiae (Stresemann, 1919), largamenti spartu in Italia, Cicilia è Sluvenia uccidentali ;
• Dendrocopos major hispanus (Schluter, 1908), cumunu in a penisula iberica ;
• Dendrocopos major canariensis (A. F. Koenig, 1889), endemicu di Tenerife ;
• Dendrocopos major thanneri le Roi, 1911, endemicu di Gran Canaria ;
• Dendrocopos major mauritanus (C.L. Brehm, 1855), endemicu di u Maroccu ;
• Dendrocopos major numidus (Malherbe, 1843), spartu in i rigioni di u nordu di l'Algiria è di a Tunisia ;
• Dendrocopos major candidus (Stresemann, 1919), largamenti spartu da a Rumania è da i rigioni miridiunali di l'Ucraina à a Grecia ;
• Dendrocopos major paphlagoniae (Kummerlöwe è Niethammer, 1935), spartu in u nordu di a Turchia ;
• Dendrocopos major tenuirostris Buturlin, 1906, spartu in a rigioni di u Caucasiu è in Transcaucasia ;
• Dendrocopos major poelzami (Bogdanov, 1879), largamenti spartu in u sudestu di l'Azerbaigianu, u nordu di l'Iranu è u mezupunenti di u Turcmenistanu ;
• Dendrocopos major japonicus (Seebohm, 1883), largamenti spartu in u sudestu di a Siberia, u nordestu di a China, a Curea è u nordu è u centru di u Giapponu ;
• Dendrocopos major wulashanicus Cheng, Xian, Ci. Zhang è Jiang, 1975, endemicu di a Mongulia interna ;
• Dendrocopos major cabanisi (Malherbe, 1854), spartu in i rigioni uriintali di a China ;
• Dendrocopos major beicki (Stresemann, 1927), spartu in China cintrali ;
• Dendrocopos major mandarinus (Malherbe, 1857), largamenti spartu dapoi u sudu di a China è da u Myanmar sinu à i rigioni sittentriunali di u Laos è di u Vietnamu ;
• Dendrocopos major stresemanni (Rensch, 1923), largamenti spartu in u nordestu di l'India è in a zona cumpresa trà u nordestu di u Myanmar, u sudestu di u Tibet è u centru-sudu di a China ;
• Dendrocopos major hainanus Hartert è Hesse, 1911, endemicu di l'isula di Hainan.

Sinonimi

Parechji sinonimi di Dendrocopos major sò:

• picoides major
• picus major

Ripartizioni

U pichjaronu hè largamenti spartu in Auropa, in Asia è in Africa suprana. Omu u trova in una grande varietà d'ambienti furestieri, tali i furesti di frunduti, i furesti misti è i parchi inarburati. Hè ancu prisenti in l'arghji buscosi di i zoni urbani.

In Corsica

Dendrocopos major

Dendrocopos major hè prisenti in Corsica ed hè mori cumunu. Difatti, esisti in Corsica una sottuspezia endemica di a Corsica: Picoides major parroti Arrigoni.

Biulugia

U pichjaronu hè un aceddu tarrituriali è sulitariu. Si ciba par u più di mastaraculi, di larvi è di graneddi ch'eddu trova scavendu tafona in a curteccia di l'arburi. Improda dinù u so bizzicu par martiddà i fusti d'arburi cù u fini di cumunicà incù i so paghjesi è marcà u so territoriu.

Mentri a staghjoni di ripruduzioni, u pichjaronu custruisci un nidu in un tafonu d'arburi, di regula à un'altezza da 3 à 6 metri. A femina diponi di media 4 à 6 ova bianchi, ch'edda cova mentri circa dui simani. I dui parenti participeghjanu à l'incubazioni è à l'alimentazioni di i ghjovani aceddi.

Cunsirvazioni

U pichjaronu hè una spezia abbastanza sparta è a so pupulazioni hè cunsidarata com'è stabili. Benefizieghja di misuri di prutizzioni in numarosi paesi auropei. Eppuri, a distruzzioni di u so ambienti naturali, in particulari a disfuristazioni, custituisci una minaccia per 'ssa spezia. Hè dunqua impurtanti di prisirvà i zoni buscosi è di promova pratichi di gistioni furestiera durevuli par assicurà a cunsirvazioni di u pichjaronu è di u so ecusistema.

Citazioni

Accadi chì u pichjaronu fussi citatu in a litteratura corsa. Par asempiu, in i Canti d'aceddi di Monsignori Di La Fuata:

Martiddeghja u pichjaronu

Pichja, pichja è fà u tafonu.

Da veda dinò

• u pichjettu
• aceddi di Corsica

Riferimenti

• J.-C. Thibault & G. Bonaccorsi, The birds of Corsica, British Ornithologists’ Union, Check-list n°17, 1999
• J.-C. Thibault, Connaître les oiseaux de Corse - Acelli di Corsica, Ed. Albiana, 2006

Liami

• [https://web.archive.org/web/20090305133552/http://adecec.net/adecec-net/lexiques/lesoiseaux3.html Archiviu 2009-03-05 at the Wayback Machine Lessicu - l'aceddi - les oiseaux, Adecec]

Altri prugetti

• Dendrocopos major Archiviu 2009-03-05 at the Wayback Machine annantu à Wikimedia Commons.