Bocca
Aspetto
![](http://upload.wikimedia.org/wikipedia/commons/thumb/9/99/Mouth.jpg/200px-Mouth.jpg)
A bocca hè l'apartura ind'eddu entri in u so corpu u cibu d'un essaru umanu o d'un animali.
'Ssu organu hè situatu nurmalamenti à u liveddu di a testa. Ma i planari sò un eccezzioni, parchì a so bocca si situeghja à mezu à u so ventri.
Esistini parechji animali, com'è i cistodi chì ùn ani mancu bocca, chì vivini drentu u sistemu dighjistivu d'un ospiti è improntani dunqua a so bocca.
Ind'è molti animali, a bocca pussedi i denti par mastaccià l'alimenti.
A bocca umana[mudificà | edità a fonte]
![](http://upload.wikimedia.org/wikipedia/commons/thumb/2/20/Sagittalmouth.png/200px-Sagittalmouth.png)
A bocca umana cumprendi i denti è a lingua. Si cumponi di 28 denti duranti a zitiddina eppò 32 à l'ità adulta.
Citazioni[mudificà | edità a fonte]
A bocca hè citata à spessu in a cultura è a litteratura corsa. Par asempiu in i pruverbii:
- U forru si scalda pa a bocca.
- À bocca chjusa, nè moschi nè bonbucconi. o In bocca chjusa ùn entri mosca.
- A più bedda risa esci da a bocca di l'addulurati.
- Ognunu bii incu a so bocca.
- Stocafissu è baccalà, apri a bocca è fà falà.
- U troppu ride stà in bocca à i scemi.
o in a sprissioni: Fà si purtà in bocca.