Gatling Gun
A Gatling Gun hè un tipu d'arma è di mitragliosa. À l'orìgine, hè stata una mitragliosa meccànica, custrutta da Richard Jordan Gatling in u 1861. U primu mudellu, chì hè statu usatu in a Guerra Civile Americana, fù u Mudellu 1862. E prime Gatling avìanu nurmalmente una cadenza trà 200 è 300 colpi per minutu. Più tardi, a cadenza hè stata di 1000 finu à 1200 colpi à listessu tempu. Cusì, quelle mitragliose manuali sò state più ràpide ch'è a prima mitragliosa automàtica di Hiram Maxim. Difatti, e mitragliose Gatling hanu fattu parte di l'armamentu uffiziale di e forze armate americane da u 1866 à u 1911, un periudu di 45 anni.
'Ssu artìculu hè in custruzzione. Pudete cuntribuisce à a so redazzione.
Oghje esìstenu mitragliose muderne chì ùsanu u principu di Gatling. Ma ùn sò più meccàniche. Sò automàtiche o ùsanu un mutore elèttricu. Ancu Richard Gatling hà dighjà creatu un tale mudellu cun mutore elèttricu chì hà avutu una cadenza di 3000 colpi per minutu.