Vladimir Lenin

Vladimir Lenin Владимир Ленин
Katua Dewan Komisar Rakyat Uni Soviet (Perdana Menteri Uni Soviet)
Maso jabatan 30 Desember 1922 – 21 Januari 1924
Manggontion	Jabatan baru
Igontion	Aleksey Rykov
Katua Dewan Komisar Rakyat Republik Sosialis Federasi Soviet Rusia
Maso jabatan 8 November 1917 – 21 Januari 1924
Manggontion	Jabatan baru
Igontion	Aleksey Rykov
Anggota Politbiro
Maso jabatan 25 Maret 1919 – 21 Januari 1924
Maso jabatan 23 Oktober 1917 – 7 November 1917
Maso jabatan 23 Oktober 1917 – 7 November 1917
Satontang Ibana
Sorang	Vladimir Ilyich Ulyanov (saro Rusia: Владимир Ильич Ульянов ) 22 April 1870 Simbirsk, Kekaisaran Rusia
Maninggal	21 Januari 1924 (umur 53) Gorki, RSFS Rusia, Uni Soviet
Kabangsoan	Uni Soviet Templat:Country data Kekaisaran Rusia
Partai politik	Partai Komunis Rusia (Bolshevik)
Dongan sabagas	Nadezhda Krupskaya (1898-1924)
Profesi	Pengacara, revolusioner, politikus
Agama	Ateisme
Tekenan

Vladimir Ilyich Ulyanov, na lumobi binoto dohot pioan Lenin (22 April [K.J.: 10 April] 1870 – 21 Januari 1924), ima revolusioner komunis, politikus, dot panggagas teori politik markabangsoan Rusia. Gorar Lenin sapetona ima gorar samaran na ibuat tingon gorar Aek Lena i Siberia. Ia manjabat manjadi pamimpin RSFS Rusia sian taon 1917, torus Perdana Menteri Uni Soviet sian taon 1922 sampe maninggalnaia. Lenin marbariba politik Marxis dot madung dohot manyumbangkon gagasan politiknia i pamikiran Marxis na idokon manjadi Leninisme. Gagasannia on molo ipasada dohot teori ekonomi Marx idokon dohot Marxisme–Leninisme.

Lenin sorang sian anak ni sabagas kalas manonga i Simbirsk, Kakaisaran Rusia. Job ni roana tu politik revolusioner kapak kiri imoloi tingon ukuman mate na tu sada abangnia i taon 1887. Ia sompat marsuajar i Universitas Negeri Kazan, tai ikaluarkon arani tarlibat i protes anti-tsar mambaen i taon-taon satorusna, ia marjuang mandapotkon gorar sarjana hukum dot top tu aliran politik radikal manjadi pangiut Marx. I taon 1893, ia pindah tu St. Petersburg, manjadi tokoh senior i Liga Parjuangan Kasetaraan Kalas Buruh. Lenin sidungi itangkup arani itudu madung manghasut alak na bahat dot ipaasing saonok tolu taon tu Siberia i dia ia marbagas dohot Nadezhda Krupskaya. Siding i, ia mangasingkon ibana tu Jerman, Inggeris, dot Swiss. Ia baru mulak tu Rusia abis-Revolusi Februari 1917 na mambaen turunna tsar dot markuasona pamarentahan sementara.

Manjadi katua faksi Bolshevik tingon Partai Buruh Sosial Demokrat Rusia, ia maniop peran utamo ddina malancarkon Revolusi Oktober 1917 na marhasil manulingkon Pamarentahan Sementara Rusia dot pajongjong Republik Sosialis Federasi Soviet Rusia, negara sosialis parjolo i dunia sacara konstitusional. Abis i, Lenin mambaen reformasi sosialis na i pangalihan hak milik ni tano dot bagas tu soviet (dewan buruh). Adongna ancaman serangan tingon Jerman mambaen Lenin tarpaksa maneken parjanjian dame na manandai kaluarna Rusia tingon Porang Dunia I. I taon 1921, ia manggagas Kabijakan Ekonomi Baru, sada sistem kapitalisme negara na mamuloi proses industrialisasi dot pamalum kaadaan abis-Porang Sipil Rusia. Sataon sidungi, RSFS Rusia marsada dihot luak nalain idia najolo juo tarmasuk luak kekuasaan Kakaisaran Rusia tu na mambontuk Uni Soviet dohot Lenin manjadi katuana.

Abis-maninggalnaia, Marxisme–Leninisme markembang manjadi piga-piga cabang pamikiran baru songon Stalinisme, Trotskyisme, dot Maoisme. Lenin sampe saat on totop manjadi tokoh dunia na kontroversial. Alak namangincai ia mandokon ia diktator arani ia ianggap madung malanggar bahat hak asasi jolma saonok markuaso, sadangkan alak namarbariba mangalaon pandapot on dohot manganggap molo kakuasoan Lenin atia i marhat dot mangakehen gorar tu sia manjadi pambela kaum buruh. Lenin puna peranan godang i gorakan komunis internasional dot manjadi salah sada tokoh paling marpangaruh i dunia i abad pa-20.