skouarn

Brezhoneg

Etimologiezh

Kavet e henvrezhoneg (scobarn).

Meneget er C'hatolikon (scouarn).

Da geñveriañ gant an anvioù-kadarn ysgyfarn (ger kozh) e kembraeg ha skovarn e kerneveureg.

Deuet eus ar ger keltiek *skob-erna a zeufe eus ar wrizienn indezeuropek *(s)keuh₁- « kleved ».

Anv-kadarn

Skouarn un den. (1)

Un tas gant e skouarn a-zehou. (2)

Skouarn un arar niverennet [7] war ar skeudenn. (3)

skouarn /ˈskwarn/, /ˈskuːarn/ benel (furm vihanaat : skouarnig, daouder : divskouarn /ˈdi(w)skwarn/ ; liester : skouarnoù /ˈskwarnu/)

1. (Korfadurezh) Organ ar c'hleved.
   • Lom a lakaas e skouarn ouzh gwerenn ar prenestr da selaou. — (Jakez Riou, An Ti Satanazet, Skridoù Breizh, 1944, p. 62.)
   • Er skouarn-mañ din eo em eus poan — (Jules Gros, Le trésor du breton parlé Deuxième Partie, 1970, p. 476.)
   • pleg ar skouarn
2. (dre skeudenn-lavar) Lodenn a gaver a bep tu d'ar podoù, d'al listri hag a dalvez da gregiñ enno.
   • Ma skudell a zo torret he skouarn — (Jules Gros, Le trésor du breton parlé Deuxième Partie, 1970, p. 476.)
3. (dre skeudenn-lavar) Lodenn eus an arar a astenn ar soc'h hag a zo stag a-gevret gantañ ouzh ar c'heñver, hag a dalvez da dreiñ a-gostez an douar bet distaget gant ar soc'h.
   • Yann ar C'herneis a dorras skouarn an alar bras en ur dreiñ douar-lann. — (Jakez Riou, Geotenn ar Werc'hez ha danevelloù all, Al Liamm, 1957, p. 19.)
4. (Pesked) Brenkoù pesked.

Gerioù heñvelster

• (3) : ulid
• (4) : ambrank(où), brenk(où), toull-brenkoù

Deveradoù

• skouarnad
• skouarnañ
• skouarnata
• skouarneg
• skouarnek
• skouarnel
• skouarnouriezh

Gerioù kevrennek

• diskouarn
• diskouarnañ
• pleg ar skouarn
• skouarn-an-ozhac'h-kozh
• skouarn-arar
• skouarn-azen
• skouarn-gad
• skouarn-logod
• skouarn-Yuzaz
• skouarnseller

Troioù-lavar

• bezañ kroget ar big en e skouarn
• bezañ tanav e skouarn
• bezañ teñval e skouarn
• kavout un neizh logod e skouarn ar c'hazh
• mont e skouarn ar c'had
• ober skouarn vouzar
• reiñ skouarn

Krennlavarioù

• Pa voud ar skouarn gleiz
  Meuleudioù a-leizh
  Pa voud ar skouarn dehou
  Meuleudioù hebiou
• Skouarn dehou
  Gwall geloù
  Skouarn gleiz
  Keloù nevez

Troidigezhioù

Organ ar c'hleved

• alamaneg : Ohr ^(de)  nepreizh
• arabeg : أُذُن‎ ^(ar) (ʾuḏun)  benel
• esperanteg : orelo ^(eo)
• euskareg : belarri ^(eu)
• galleg : oreille ^(fr)  benel
• gresianeg : αυτί ^(el) (aftí)  nepreizh
• italianeg : orecchio ^(it)  gourel , orecchia ^(it)  benel
• iwerzhoneg : cluas ^(ga)  benel
• kembraeg : clust ^(cy)  benel

• kerneveureg : skovarn ^(kw)  benel
• luksembourgeg : Ouer ^(lb)  nepreizh
• nederlandeg : oor ^(nl)  nepreizh
• okitaneg : aurelha ^(oc)  benel
• poloneg : ucho ^(pl)  nepreizh
• romañcheg : ureglia ^(rm)  benel
• sañskriteg : कर्ण ^(sa) (karṇa)  gourel , श्रुति ^(sa) (śrúti)  benel
• saozneg : ear ^(en)
• skoseg : cluas ^(gd)  benel
• spagnoleg : oreja ^(es)  benel
• vietnameg : tai ^(vi)

Evit kregiñ en un draezenn

• alamaneg : Henkel ^(de)
• esperanteg : anso ^(eo)
• galleg : anse ^(fr) , oreille ^(fr)

• kembraeg : clust ^(cy)
• kerneveureg : skovarn ^(kw)
• saozneg : handle ^(en)

Skouarn-arar

• alamaneg : Streichbrett ^(de)  nepreizh , Streichbrech ^(de)  nepreizh , Riester ^(de)  nepreizh , Wendebrett ^(de)  nepreizh
• arabeg : مقلب ^(ar) (miqlab)
• euskareg : belarria ^(eu)
• galleg : versoir ^(fr)  gourel
• italianeg : versoio ^(it)  gourel , orecchio ^(it)  gourel
• iwerzhoneg : clár céachta ^(ga)  gourel , clár sceithe ^(ga)  gourel
• kembraeg : chwelydr ^(cy)  gourel , ystyllen bridd ^(cy)  benel

• nederlandeg : keerbord ^(nl)  nepreizh , rister ^(nl)  gourel
• poloneg : odkładnica ^(pl)  benel
• romañcheg : ala ^(rm)  benel
• saozneg : mouldboard ^(en)
• skoseg : bòrd a' chrainn ^(gd)
• spagnoleg : vertedera ^(es)  benel
• svedeg : vändskiva ^(sv)
• vietnameg : diệp ^(vi)

Gwelet ivez

• Ar pennad « skouarn » e-barzh Wikipedia