bennozh

Brezhoneg

Etimologiezh

Da dostaat ouzh bendith e kembraeg.

Anv-kadarn

bennozh /ˈbɛnːos/ gourel pe benel (liester : bennozhioù)

1. Gras Doue a warez unan bennak:
   • Bennoz an env a gouezo varn-ho, var ho douarou ha var ho loened. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 175.)
   • Bennoz an Aotrou Doue deoc’h! » — (PIPI 1908, p. 170.)
   • Bennozh an Dreinded warnoc'h. — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 137.)
   • Bennoz an Dreinded sakr warnoc’h, aotrou Sant Per. » — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 11.)
2. skuilhañ e vennozh : reiñ e vennozh d'an holl
   • Ha ne gaf ket d'eoc'h o vo an Aoutrou Doue, abalamour d'ho mammou koz, o skuilla he vennoz : hag he drugarez var an dud-se ? — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 75.)
3. Pedenn lavaret gant ur beleg evit ma vo gwarezet unan bennak gant Doue
   • [...], hag a lavaras dezho daoulinañ ma roje dezho e vennozh. — (Lan Inizan, Emgann Kergidu 1, Brest, 1877, eil emb. Al Liamm 1977, p. 25.)
4. Jestr/Komzoù un tad/ur vamm distaget/graet evit ma vo gwarezet ur mab/verc'h dezhañ/dezhi
   • <skouer.>
5. Darvoud a zegas mad d'e heul
   • <skouer.>
6. trugarekadenn
   • ... bennozh a lavaran da aotrou person Gwitalmeze da vezañ roet din un ali ker fur. PGAZ 3

Gerioù enepster

• mallozh

Troioù-lavar

• bennozh da un den
  • bennozh dit
  • bennozh deoc'h
    • ma bennozh deoc'h
    • mil bennozh deoc'h
• bennozh Doue
  • bennozh Doue dit
  • bennozh Doue deoc'h
• kant bennozh
• lavaret bennozh Doue da unan bennak
• mil bennozh
• ober un dra bennak evit bennozh Doue
• ober un dra bennak evit ur bennozh Doue
• reiñ e vennozh da unan bennak

Krennlavarioù

• An hini a lazh ur c'harlostenn gant e viz
  En devez bennozh Sant Patris. — (Jules Gros, Le trésor du breton parlé Troisième Partie, 1974, p. 304.)

Troidigezhioù

• galleg : 1) bénédiction ^(fr) 2) merci ^(fr)