Zentralfriedhof Friedrichsfelde
![](http://upload.wikimedia.org/wikipedia/commons/thumb/7/79/Bundesarchiv_Bild_183-1989-0115-011%2C_Berlin-Friedrichsfelde%2C_Gedenkst%C3%A4tte.jpg/220px-Bundesarchiv_Bild_183-1989-0115-011%2C_Berlin-Friedrichsfelde%2C_Gedenkst%C3%A4tte.jpg)
Zentralfriedhof Friedrichsfelde (alamaneg a dalvez Bered kreiz Freidrichsfelde), pe Eñvoradur d'ar sokialourien (Gedenkstätte der Sozialisten) a zo ur vered e Lichtenberg e Berlin. Pa voe krouet e 1881 e voe anvet Bered kêr Freidrichsfelde Berlin (Berliner Gemeindefriedhof Friedrichsfelde). E 1900 da-heul douariñ Wilhelm Liebknecht (krouer SPD) e teuas da vezañ ur vered ma voe douaret enepfaskourien, sokial-demokrated, sokialourien ha komunourien alaman. E 1919 e voe douaret Karl Liebknecht ha Rosa Luxemburg enni. Da vare rann Berlin goude an Eil Brezel-bed en em gavas ar vered war harzoù Berlin ar Reter hag enni e voe douaret pennoù-bras DDR evel Walter Ulbricht ha Wilhelm Pieck.
![](http://upload.wikimedia.org/wikipedia/commons/thumb/0/0b/Gedenkstaette_der_Sozialisten.jpg/220px-Gedenkstaette_der_Sozialisten.jpg)
E 1926 e vo savet ur Monumant d'an dispac'h (12 metrad ledander ha 6 metrad uhelder) e brik ruz gant Ludwig Mies van der Rohe hag e 1935 e voe distrujet gant an Nazied. E 1951 e voe savet ar Monumant d'ar sokialourien a zo c'hoazh anezhañ hiziv an deiz. En e greiz ez eus ur maen-sonn ma lenner "Die toten mahnen uns" ha tro-dro ez eus ur voger stumm un hanter-gelc'h dezhi ma kaver bezioù ha jarloù. Tro-dro d'ar maen kreiz ez eus 10 bez m'eo douaret tud a-bouez ar sokialouriezh : Karl Liebknecht, Rosa Luxemburg, Ernst Thälmann, Wilhelm Pieck, Walter Ulbricht, Franz Mehring, John Schehr, Rudolf Breitscheid, Franz Künstler, Otto Grotewohl.
![](http://upload.wikimedia.org/wikipedia/commons/thumb/1/1d/2010-04-14_Gro%C3%9Fe_Gedenktafel_ZF_Friedrichsfelde.jpg/220px-2010-04-14_Gro%C3%9Fe_Gedenktafel_ZF_Friedrichsfelde.jpg)
Ouzh ar voger a zo tro-dro e c'haller lenn anvioù 327 enepfaskour a varvas etre 1933 ha 1945. En o zouez emañ Hans Coppi, Hilde Coppi, Heinrich Koenen, Arvid Harnack, Harro Schulze-Boysen, Kurt Schumacher, John Sieg hag Ilse Stöbe
Tud douaret e Bered kreiz Freidrichsfelde
[kemmañ | kemmañ ar vammenn]- Willi Bredel (1901-1964)
- Rudolf Breitscheid (1874-1944)
- Theodor Leipart (1867-1947)
- Hugo Haase (1863-1919)
- Käthe Kollwitz (1867-1945)
- Franz Künstler (1888-1942)
- Franz Mehring (1846-1919)
- Paul Meyerheim (1842-1915)
- Otto Nagel (1894-1967)
- John Schehr (1896-1934)
- Paul Singer (1844-1911)
- Ernst Thälmann (1886-1944)
- Erich Weinert (1890-1953)
- F.C. Weiskopf (1900-1955)
- Friedrich Wolf (1888-1953)
- Konrad Wolf (1925-1982)
- Markus Wolf (1923-2006)
- Heinrich Rau (1899-1961)
- Otto Grotewohl (1894-1964)
- Ernst Wollweber (1898-1967)
Liamm diavaez
[kemmañ | kemmañ ar vammenn]![]() |
Porched Alamagn – Adkavit pennadoù ha rummadoù Wikipedia a denn da Alamagn. |