Unvaniezh 90/Ar Re C'hlas
![](http://upload.wikimedia.org/wikipedia/commons/thumb/5/51/B%C3%BCndnis_90_-_Die_Gr%C3%BCnen_Logo_%28transparent%29.svg/200px-B%C3%BCndnis_90_-_Die_Gr%C3%BCnen_Logo_%28transparent%29.svg.png)
Unvaniezh 90/Ar Re C'hlas (Bündnis 90/Die Grünen en alamaneg) a zo ur strollad politikel ekologour alaman diazezet e 1980 en Alamagn ar C'hornôg dindan an anv Ar Re C'hlas. En em deuziñ a ra gant Unvaniezh 90 e 1993, ur strollad krouet en Alamagn ar Reter. Ar strollad en deus 118 dileuriad er Bundestag (14,8% eus ar gannaded).
Istor
[kemmañ | kemmañ ar vammenn]Ar strollad politikel alaman Die Grünen a voe savet en Alamagn ar C'hornôg da vare ar stourmoù ekologel ha peoc'hgarour e dibenn ar bloavezhioù 1970. Peursavet e voe e 1982, gant tud evel Joschka Fischer hag Otto Schily. An dilennidi gentañ a voe er Bundestag e 1983, hag ur strollad ennañ e 1987. Koll a rejont anezhañ en dilennadegoù da-heul adunvaniezh Alamagn e 1990. Met ar strollad Bündnis 90 (Unvaniezh 90), a zeuas a-benn da gaout un nebeud dilennidi peogwir e oa bet miret plasoù evit ar strolladoù eus DDR. Ur strollad politikel dazeilat e oa. Kendeuzet e voe strollad Ar Re C'hlas hag Unvaniezh 90 e 1993.
![](http://upload.wikimedia.org/wikipedia/commons/thumb/d/d0/Gr%C3%BCne_protests_against_nuclear_energy.jpg/200px-Gr%C3%BCne_protests_against_nuclear_energy.jpg)
Ar Re C'hlas e gouarnamantoù Alamagn
[kemmañ | kemmañ ar vammenn]- 1998-2002 : e gouarnamant ar c'hañseller Gerhard Schröder (SPD)
- 2002-2005 : e gouarnamant ar c'hañseller Gerhard Schröder (SPD)
Tud vrudet
[kemmañ | kemmañ ar vammenn]- Daniel Cohn-Bendit : kannad e parlamant Europa, kenbrezidant ar strollad Glas/Emglev Dieub Europa e Parlamant Europa
![](http://upload.wikimedia.org/wikipedia/commons/thumb/5/5f/Joschka_Fischer_2002.jpeg/200px-Joschka_Fischer_2002.jpeg)
- Joschka Fischer : bet bezkañsellerz ha ministr an aferioù diavaez
- Renate Künast : bet ministr gwareziñ ar vevezerien, ar bevañs hag al labour-douar
- Jürgen Trittin : bet ministr an endro, gwareziñ an natur hag ar surentez nukleel
- Volker Beck : bet an hini kentañ e penn strollad ar Re C'hlas er Bundestag
- Claudia Roth : -
- Reinhard Bütikofer : bet prezidant ar strollad
- Cem Özdemir : kenbrezidant ar strollad, kannad e parlamant Europa
- Antje Vollmer : kenbrezidantez ar Bundestag abaoe an 10 a viz Du 1994
- Rebecca Harms, : kannadez e parlamant Europa, kenbrezidantez ar strollad Glas/Emglev Dieub Europa e Parlamant Europa
- Simone Peter : kenbrezidantez ar strollad
Izili vrudet (marv)
[kemmañ | kemmañ ar vammenn]- Joseph Beuys : arzour
- Petra Kelly : krouerez ar strollad
- Rudi Dutschke : leader ar studierien
Liamm diavaez
[kemmañ | kemmañ ar vammenn]![]() |
Porched Alamagn – Adkavit pennadoù ha rummadoù Wikipedia a denn da Alamagn. |