Ulrike Meinhof

Ulrike Meinhof

Ulrike Marie Meinhof (7 a viz Here 1934 en Oldenburg – marvet en noz etre an 8 hag an 9 a viz Mae 1976 e toull-bac'h Stammheim e Stuttgart) a oa ur gazetennerez alaman. E 1970 e teuas da vezañ ezel eus Rote Armee Fraktion, ur strollad a voe aozet meur a gwalldaol ganto en Alamagn, er bloavezhioù 1960–70. Unan eus izili pennañ ar strollad e oa, ober a reer strollad Baader-Meinhof anezhañ ivez. Harzet e voe d'ar 15 a viz Even 1972 goude bezañ bet diskuliet. Kondaonet e voe da 8 vloaz toull-bac'h d'an 29 a viz Du 1974.

He buhez

Merc'h an istorour Werner Meinhof eo. E 1954 e voe degemeret gant Renate Riemeck goude marv he mamm. Gant Riemeck e veze embannet Frauen gegen Faschismus. Asambles ganti ivez, e kemeras perzh Ulrike Meinhof, er manifestadegoù a-enep ar bombezennoù nukleel.

E 1955-56 e studias ar brederouriezh, ar bedagogiezh, ar sokiologiezh hag al lennegezh e skol-veur Marburg. E 1957 e yeas da studiañ da skol-veur Münster ma kemeras perzh er Sozialistischer Deutscher Studentenbund (Strollad ar studierien sokialour). E 1955 e voe dimezet gant Klaus Rainer Roehl, hag eñ e penn ar gelaouenn Konkret. Evit ar gelaouenn-se ivez e labouras-hi betek 1968. Daou vugel a voe ganet diwar o ere.

Er bloavezhioù 1960 e tostaas muioc'h-mui ouzh emsav an tu-kleiz pellañ, hag e 1968 e voe degemeret evel ezel eus Rote Armee Fraktion goude ar gwalldaol c'hwitet a-enep ar sokiologour Rudi Dutschke. D'ar 14 a viz Mae 1970 e kemeras perzh en taol evit dieubiñ Andreas Baader. Kemer perzh a reas ivez e meur a walldaol, en o zouez an hini a-enep da salioù urzhiataerezh an arme amerikan implijet da brogrammiñ bombezadegoù er Viêt Nam. En toull-bac'h e Stammheim e e Stuttgart: e varvas en em grouget e oa, evel he c'hamaradez Gudrun Ensslin.

Diwar he fenn

Bez Ulrike Meinhof e Berlin-Mariendorf

Levrioù

• Aust, Stefan: Der Baader-Meinhof Komplex, (1998, ISBN 3-442-12953-2)
• Bauer, Karin : Everybody Talks About The Weather...We Don't. Skridoù Ulrike Meinhof. Rakskrid gant Elfriede Jelinek (Seven Stories Press ISBN 978-1-58322-831-9)
• Becker, Jillian: Hitler's Children: The Story of the Baader-Meinhof Terrorist Gang, Londrez, 1977
• Brückner, Peter: Ulrike Meinhof und die deutschen Verhältnisse (/Ulrike Meinhof and the German Situation) (1976, ISBN 978-3-8031-2407-4)
• Ditfurth, Jutta: Ulrike Meinhof (2007, ISBN 978-3-550-08728-8)
• Krebs, Mario: Ulrike Meinhof (1988, ISBN 3-49915642-3)
• Röhl, Bettina (merc'h Ulrike Meinhof): So macht Kommunismus Spass (/Making Communism Fun), (2007, ISBN 978-3434506003)

Filmoù

• Ulrike Marie Meinhof, teulfilm gant ARTE, 1994
• Ulrike Meinhof – Wege in den Terror (Ulrike Meinhof – Paths to Terror), teulfilm gant RBB, 2006
• So macht Kommunismus Spass (Making Communism Fun), teulfilm produet gant Bettina Röhl (merc'h Ulrike Meinhof), evit chadenn skinwel Der Spiegel, 2006
• Der Baader Meinhof Komplex (2008)
• Children of the Revolution (teulfilm, 2010)