Tux
![](http://upload.wikimedia.org/wikipedia/commons/thumb/a/af/Tux.png/220px-Tux.png)
Tux eo maskotenn ofisiel Linux. E implij a zo dieub ha kavet e vez e meur a logo kenwerzhel pe amatour liammet gant Linux.
Istor
[kemmañ | kemmañ ar vammenn]Tresadenn an dudenn a zo bet choazet goude ur genstrivadeg aozet e 1996 ma oa aet ar maout gant Larry Ewing. Implij a ra GIMP, ar poellad dieub pennañ implijet war Linux hag a servij da grouiñ pe cheñch skeudennoù pe tresadennoù. Un dudenn ijinet eo, hag a ziskouez ur seurt mankig glas. Ar soñj a oa bet roet gant Alan Cox[1] ha peurechuet gant Linus Torvalds,[2] krouer kraoñell Linux.
Linus a zo bet awenet gant ur poltred[3] en deus kavet war ul lerc'hienn FTP[4], o tiskouez tudennig ur mank o tennañ da tudennoù Creature Comforts gant Nick Park[5].
An anv a zo bet kinniget gant James Hughes. Dont a ra deus ar ger amerikan tuxedo lerc'h m'eo bet lammet an dibenn, ar ger o talvezout « smoking ». James Hugues, en ur mail kaset an 10 a viz Even 1996, a ginnig ur retro-gwreskanv savet gant ar gerioù Torvalds hag Unix[6].
Tu 'zo a lare ne oa ket ar maskotenn gwall vat evit skeudenn Linux dre ma ne oa ket ar mank ul loen galloudus-tre[7]. Linus Torvalds en deus respontet ne soñjfe den ebet da se ma vefe karget gant ur mank korrig, a red buan hag en deus ur pigoz kalet-tre[8].
Neuz
[kemmañ | kemmañ ar vammenn]![](http://upload.wikimedia.org/wikipedia/commons/thumb/0/03/Adelie_Penguin.jpg/130px-Adelie_Penguin.jpg)
Maskotenn Linus a zo ur Mank.
Kalz a dud a soñj eo maskotenn Linux ur pengouin, dreist-holl peogwir e saozneg, ar ger mank a zo penguin. Ar pezh a vez lâret e brezhoneg evel ur erev a zo ul labous eus an emisferenn norzh eus familh an alcidae, a c'hell nijal, padal, ar mank na vev nemet en emisferenn su. Er yezh pemdezieg, implij ar gêr "erev" e plas "mank" a zo un drougimplij eus ar yezh a c'hoarvez alies-tre[9].
Tux na ziskouez gouenn ebet eus an 19 a zo war ar voull, memes ma tenn d'ur mank Adeli, ha ma Linus Torvalds en deus kavet e tenne d'ur mankig glas. Kontet e vez eo bet dantet gant ur mank e-pad unan eus e veajoù. Kalz a arzourien o deuz graet stummoù all. En disorc'h e vez kalzig a krouadurioù fentus[10]..
-
Tux e kalite uhel
-
Tux kalite uhel vektoriset
-
Tux Crystal 1añ stumm (ur soñj eus un ezel deus crystalxp.net)
-
Tux « crystaliset »
Implij
[kemmañ | kemmañ ar vammenn]E-barzh dasparzhadurioù zo eus Linux evez gwelet Tux e-pad ar boot. Tux a zo un tudenn eus ar webcomic User Friendly. TUX a zo anv ur servijer web diazezet war Linux.
C'hoarioù video
[kemmañ | kemmañ ar vammenn]![](http://upload.wikimedia.org/wikipedia/commons/thumb/d/df/SuperTux-Milestone1_9.png/220px-SuperTux-Milestone1_9.png)
Tux en deus kemeret perzh e kummuniezh Linux evel Mario e hini Nintendo. Dre-se, ur bern c'hoarioù urzhiataer, an aliesañ poelladoù frank hag open-soucre evit Linux. En o zouez :
- Age of Empires III: un RTS graet gant Microsoft. Unan eus an anvioù ankivil roet d'ar chas a zo 'Tux the conqueror' by Microsoft[11].
- Tux on the Run: ur puzzle-game programmet e JAVA graet gant Lennart Steinke.
- Chromium B.S.U.: ur space-shooter lec'h ma z'eus Tux o ezañ ur power-up.
- Tuxedo T. Penguin: A Quest for Herring: Ur c'hoari troienn e 3D digoust.
- XTux un emgann d'ar marv o ziskouez tudennoù eus ar poelladoù frank o stourm a-eep Microsoft.
- FreeDroidRPG: Un RPG, lec'h m'eo Tux un alien (Linarian) hag a zo trapet war an Douar.Ret eo dezhañ en el gannañ gant droidoù evit dreistvevañ.
- OpenArena: Un tudenn a zo anved "Penguin" hag a zo un den gwisket e Tux.
- Pingus: e c'hoari video evel Lemmings lec'h m'eo lakaet manked e plas lemmings.
- SuperTux: ur c'hoari platform awenet gant Super Mario Bros.
- Tux Kart ha SuperTuxKart: C'hoari kart awenet gant Mario Kart.
- Tux Math Scrabble: Ur Scrabble doare Matematik gant Tux e-barzh.
- Tux Paint: Ur poellad evit ar re yaouank evit tresañ.
- Tux, of Math Command: Ur c'hoari matematik.
- Tux Typing: ur poellad evit deskiñ bizskrivañ.
- Tux Racer: Ur c'hoari evel reoù snowboard, lec'h ma z'eo ar c'hoarier ur mank o diskenn un draonienn war an erc'h.
- Tux Word Smith: Un doare scrabble.
- FreeCiv: Ur c'hoari doare Civilization.
- Wormux: Ur c'hoari strategiezh dre tro awenet gant Worms.
- Frozen Bubble: Ur puzzle game digoust.
- LinCity-NG: Ur c'hoari strategiezh digoust lec'h ma z'eus tu sevel un delwenn Tux.
- Emilia Pinball: Ur Pinball gant Tux.
Tux er sevenadur poblek
[kemmañ | kemmañ ar vammenn][[Image:Ebu tux.JPG|thumb|280px|Tux, e tal an EBU.
- Er RPG war internet DragonFable, al loenig mank a zo anvet Linus, e liamm gant Linux Torvalds, skrivet eo zoken er c'hoari ez eo a-enep Windows.
- Er webcomic c'hoarierien Ctrl+Alt+Del, Scott, un implijer Linux en deus ur mank anvet Ted.
- Tu zo gwelout Tux er film Surf's Up
Daveoù
[kemmañ | kemmañ ar vammenn]- ↑ Re: Linux logo, Alan Cox, 2 a viz Mae 1996
- ↑ Re: Linux Logo prototype., Linus Torvalds, 9 a viz Mae 1996
- ↑ Ar poltred en deus awenet Linus Torvalds
- ↑ Re: Linux logo, Linus Torvalds
- ↑ Creature Comforts: I ate so much war YouTube
- ↑ A Complete History of Tux, Why is He Called "Tux"?
- ↑ But aren't Penguins a bit - well - feeble?
- ↑ Linux v2.0 released : Linus Torvalds war comp.os.linux.announce
- ↑ Patrom:Entrée TLFi
- ↑ Kummuniezh tud o kenderc'hel tresadennoù Tux
- ↑ [1] - Age of Empires III listenn anvioù chas (e Japaneg)
Gwelet ivez
[kemmañ | kemmañ ar vammenn]Liammoù diavaez
[kemmañ | kemmañ ar vammenn]- (en) [2] : Description de Tux par Larry Ewing, son créateur