Timbroù Antigua
Gant Kristol Goulm e voe dizoloet enez Antigua e 1493, ha badezet gantañ diwar anv iliz Sevilla Santa Maria la Antigua. E 1632 e krogas an trevadenniñ. Gant feur-emglev Breda (1667) e teuas Antigua da vezañ dindan dalc’h ar Rouantelezh-Unanet.
Ministrerezh ar Postoù saoz e Londrez a rae war-dro servijoù-post an enezenn war-eeun betek ar 1añ a viz Mae 1860. Adalek miz Meurzh 1841 avat e oa bet lakaet war droad ur seurt servij lec’hel etre kêrioù Saint John’s ha English Harbour
Lakaet e voe e gwerzh timbroù saoz e 1858. Kachedet e veze al lizhiri gant al lizher A02 e porzh Saint John’s ha A18 en English Harbour.
![](http://upload.wikimedia.org/wikipedia/commons/thumb/a/a8/Antigua_1862.jpg/150px-Antigua_1862.jpg)
Hervez al lezenn bet votet gant bodadeg an Antilhez Bihanañ d’ar 24 a viz Ebrel 1860 ez eo bet lakaet servij ar postoù dindan kiriegezh gouarnamant ar vro. Urzhiet ez eus bet 8000 timbr e ti ar mouller Perkins Bacon & Co., da vezañ implijet evit kas lizhiri da Vreizh-Veur. Dav e voe gortoz miz Eost 1862 a-raok degemer anezho war an enezenn.
An timbr kentañ warno penn ar rouanez Victoria a voe treset gant Edward Henry Corbould hag engravet gant Charles Henry Jeens. Koust a rae 6 pence. Embannet e voe timbroù heñvel gant ul liv ha prizioù all e 1863, 1864, 1867, 1872 ha 1876.
![](http://upload.wikimedia.org/wikipedia/commons/thumb/a/a9/1889_1sh_mauve_Antigua_duplex_Yv18_Mi15_SG30.jpg/180px-1889_1sh_mauve_Antigua_duplex_Yv18_Mi15_SG30.jpg)
E 1879 e voe moullet gant an ti “De la Rue & Co.” ur rummad timbroù gant ur poltred nevesaet eus ar rouanez Victoria. Lesanvet ‘’Key Plate’, an dresadenn a voe implijet war an timbroù savet e 1879 (2½ ruz-kistin ha 4 pence a liv glas), e 1882 (½ pence gwer) ha 1884.
![](http://upload.wikimedia.org/wikipedia/commons/thumb/f/f3/Antigua_Stamps_and_Postal_History_The_E._V._Toeg_Collection.jpg/180px-Antigua_Stamps_and_Postal_History_The_E._V._Toeg_Collection.jpg)
![](http://upload.wikimedia.org/wikipedia/commons/thumb/6/67/Antigua_1903_five_shilling_stamp.jpg/200px-Antigua_1903_five_shilling_stamp.jpg)
Timbroù an Antilhez Bihanañ saoz (« Leeward Islands ») a veze implijet en Antigua etre ar 31 a viz Here 1890 ha miz Gouere 1903, nemet Kuzul-ren an drevadenn a zivizas e fin miz Even 1903 e oa aotreet pep enezenn da embann timbroù dindan hec’h anv ivez. Dek timbr a voe moullet e miz Gouere (talvoudegezh etre ½ pence ha 2 shilling 6 pence), o kinnig ardamezioù ar Roue ha siell Antigua, mui unan a gouste 5 shilling gant penn ar roue Edouarzh VII.
![](http://upload.wikimedia.org/wikipedia/commons/thumb/9/96/Antigua_1942_Fort_James_stamp.jpg/180px-Antigua_1942_Fort_James_stamp.jpg)
![](http://upload.wikimedia.org/wikipedia/commons/thumb/f/f1/Antigua_8_Cent_Stamp_1953.jpg/180px-Antigua_8_Cent_Stamp_1953.jpg)
Graet ez eus bet gant timbroù Antigua ha re an Antilhez Bihanañ saoz war un dro betek 1956.
Seizh timbr disheñvel a voe embannet dindan ren Victoria (1837-1901) ha dek tamm pa oa he mab Edouarzh VII e penn ar Rouantelezh-Unanet (1901-1910). E-pad ren George V (1910-1936) e voe embannet 29 timbr ha 25 hepken dindan George VI (1936-1952). Ma oa fur servij ar postoù betek kreiz an XXvet kantved e cheñcho tro-spered pennoù-bras ar velestradurezh er bloavezhioù 1990. E-tro 200 timbr a voe embannet bep bloaz betek ar bloavezh 2019.
D’ar 1añ a viz Du 1981 eo bet embannet dizalc’hidigezh Antigua dindan an anv « Antigua ha Barbuda », an eil anv o vezañ hini un enezenn nebeut poblet e hanternoz Antigua. Staget eo enezenn didud Redonda ivez.
Timbroù Redonda
[kemmañ | kemmañ ar vammenn]Lakaet e voe e gwerzh timbroù gant ar meneg dreistmoullet Redonda etre 1979 ha 1991. Pa ouezer ez eus eus Redonda un enezennig didud n’eo ket diaes kompren e voe an embann-se un doare da binvidikaat dastumadennoù kentoc’h evit paeañ ur servij postel evit gwir.
Pennadoù kar
[kemmañ | kemmañ ar vammenn]Liammoù diavaez
[kemmañ | kemmañ ar vammenn]- en:Revenue stamps of Antigua
- en:British Caribbean Philatelic Study Circle
- en:British West Indies Study Circle
Levrlennadur
[kemmañ | kemmañ ar vammenn]- Bacon, E. D. Stamps of Antigua printed by Perkins, Bacon and Company. Boston: Mekeel, Severn, Wylie Company, 1908
- Cornell, W.G. and F.R. Saunders. Antigua: The Definitive Series of King George VI. Southampton: King George VI Collectors Society, 1975 28p. Study paper; no. 7.
- Freeland, Charles & John M Jordan. Antigua: The Stamps and Postal History. Javea (Spain): British West Indies Study Circle, 2016 ISBN 9781907481253 299p.
- Lowe, Robson. The Codrington Correspondence, 1743-1851: being a study of a recently discovered dossier of letters from the West Indian islands of Antigua and Barbuda mostly addressed to the Codringtons of Dodington. London: Robson Lowe, 1951 112p.
- Melville, Fred. Antigua. London: The Philatelic Institute, 1929 57p. See reference 1 above.