Tiegezh Medici

noble family, royal family
Anv-familh	Medici, de' Medici
Stad	Duchy of Florence
Ezel eus	Compagnia de' Magi
Perc'henn war	Medici Bank
Deskrivet en URL	https://books.google.de/books?id=0AKM3OgXtPIC&pg=PA232&lpg#v=onepage&q&f=false
Deskrivet dre	Medici: Masters of Florence

Medici zo anv ur c'herentiad uhel eus Firenze a zo bet a-bouez en istor kêr e mare an Azginivelezh italian.

Orin

Meur a vojenn zo. Hervez Cosimo il Vecchio e vije bet un hendad apotiker, hag anezhañ e teufe an anv Medici, un anv hag a dalvez kement ha "mezeien" en italianeg.
War ar skoed eo pilulennoù a weler (pemp ruz evit ar skevent, an avu, ar galon, ar stomog hag ar bouzelloù, unan c'hlas evit ar panacea) .

Ar re vrudetañ

Cosimo il Vecchio (1389-1464) Pater patriae, diazezer galloud al lignez.
Lorenzo il Magnifico (pe Lorenzo di Piero il Gottoso 1449-1492), an hini brudetañ eus ar c'herentiad.
Cosimo Iañ de' Medici (1519-1574), kentañ Dug-meur Toskana.

En istor Bro-C'hall

Anavezout a reer ivez:

Caterina de' Medici, anvet Catherine de Médicis e galleg, a voe gwreg ar roue gall Herri II, ha mamm d'ar rouaned Frañsez II, Charlez IX, ha Herri III, ha da v-Marc'harid a zimezas gant Herri Navarra a voe ar roue gall Herri IV ;
Maria de' Medici, anavezet e galleg evel Marie de Médicis, a voe rouanez Bro-C'hall pa zimezas ganti ar roue gall Herri IV, hag a oa mamm d'ar roue gall Loeiz XIII.

Hag ivez:

Jacques Médecin (1928-1998), bet maer Nice, kondaonet gant ar justis c'hall ha repuet en Uruguay, a lavare diskenn eus lignez ar c'herentiad Medici.

Ar pennoù-tiegezh Medici

Aotrounez Republik Firenze

Anv	Adalek	Betek	Darempred gant an den en e raok
Cosimo de' Medici (Pater Patriae)	1434	1 Eost 1464	Mab da Giovanni di Bicci de' Medici, arc'hantour.
Piero I de' Medici (Piero an Urlaouek)	1 Eost 1464	2 Kerzu 1469	Mab henañ Cosimo de' Medici.
Lorenzo Iañ de' Medici (Lorenzo ar Meurdezus)	2 Kerzu 1469	9 Ebrel 1492	Mab henañ Piero I de' Medici.
Piero di Lorenzo de' Medici (Piero an Amoed)	9 Ebrel 1492	8 Du 1494	Mab henañ Lorenzo ar Meurdezus. Distroadet pa erruas armeoù gall Charlez VIII ha pa voe adsavet republik Firenze, gant Girolamo Savonarola da gentañ, ha goude gant Piero Soderini.
Giovanni de' Medici	31 Eost 1512	9 Meurzh 1513	Breur da Biero, eil mab Lorenzo ar Meurdezus. Kardinal, dilennet da bab evel Leon X.
Giuliano di Lorenzo de' Medici	9 Meurzh 1513	17 Meurzh 1516	Breur d'ar C'hardinal Giovanni de' Medici, trede mab Lorenzo ar Meurdezus.
Lorenzo II de' Medici	17 Meurzh 1516	4 Mae 1519	Niz da Giuliano de' Medici, dug Nemours, mab da Piero an Amoed .
Giulio de' Medici	4 Mae 1519	19 Du 1523	Kenderv da Lorenzo II de' Medici, dug Urbino, mab Giuliano de' Medici a oa breur Lorenzo ar Meudezus, dilennet da bab, evel Klemañs VII.
Ippolito de' Medici	19 Du 1523	24 Here 1529	Kenderv d'ar c'hardinal Giulio de' Medici, mab bastard da Giuliano de' Medici, dug Nemours.

Duged Firenze

Poltred	Anv	Adalek	Betek	Darempred gant an den en e raok
	Alessandro de' Medici (dug Firenze) (il Moro)	24 Here 1529	6 Genver 1537	Kenderv d'ar c'hardinal Ippolito de' Medici, mab bastard da Lorenzo II de' Medici, dug Urbino, pe d'ar pab Klemez VII. A voe aotrou e-pad Sez Firenze (1529–1530), dug adalek 1531.

Duged-veur Toskana

Anv	Adalek	Betek	Kerentiezh
Cosimo Iañ de' Medici	6 Genver 1537	21 Ebrel 1574	Kenderv a bell d'an dug Alessandro de' Medici, ha mab Giovanni dalle Bande Nere ar Werin, a ziskenne eus Lorenzo il Vecchio gozh, breur Cosimo il Vecchio. Dug Firenze e voe da gentañ (1537—156, dug-meur Toskana goude.
Francesco Iañ de' Medici, dug-meur Toskana	21 Ebrel 1574	17 Here 1587	Mab henañ Cosimo I de' Medici.
Ferdinando Iañ de' Medici	17 Here 1587	17 C'hwevrer 1609	Breur Francesco Iañ de' Medici, mab Cosimo Iañ de' Medici.
Cosimo II de' Medici	17 C'hwevrer 1609	28 C'hwevrer 1621	Mab henañ Ferdinando I de' Medici.
Ferdinando II de' Medici	28 C'hwevrer 1621	23 Mae 1670	Mab henañ Cosimo II de' Medici.
Cosimo III de' Medici	23 Mae 1670	31 Here 1723	Mab henañ Ferdinando II de' Medici, dug-Meur Toskana.
Gian Gastone de' Medici	31 Here 1723	9 Gouhere 1737	Eil mab Cosimo III de' Medici, dug-Meur Toskana.