Llanos
Ur pennad Llanos (disheñvelout) zo ivez.
Al Llanos (distaget [ˈʎanos] pe [ˈʝanos] e spagnoleg) zo kompezennoù bras-bras e norzh Suamerika. Redek a ra ar stêr Orinoco drezo.
El Llanos emañ :
- e Kolombia, departamantoù Arauca, Casanare, Vichada, Guainía, Meta, Vaupés ha Guaviare
- e Venezuela, stadoù Apure, Barinas, Portuguesa, Cojedes, Guárico, Anzoátegui ha Monagas.
Al Llanos zo gorreennoù plat ma kresk geot hepken peurvuiañ. Diazezet eo ekonomiezh ar c’hornadoù-se war ar sevel chatal hag ar c’has eoul-maen en ul lodenn anezho, e rannvroioù Arauca, Casanare, Anzoátegui, Apure ha Monagas.
Llaneros a reer eus annezidi al Llanos. Kalz anezho zo paotred-saout war varc'h, un tamm evel ar re a zo er Stadoù Unanet (cowboys) pe en Arc'hantina (gauchos). Kontet int da vezañ marc'heien ampart.
Joropo a reer eus doare sonerezh al Llanos.
Liammoù diavaez
[kemmañ | kemmañ ar vammenn]
- (en) Ecoregion NT0709 : Llanos (WWF)
- (en) Llanos (Globalspecies)
- (en) Los Llanos
- (es) Los Llanos
- (es) Los Llanos de Venezuela