Levr Aneirin
![](http://upload.wikimedia.org/wikipedia/commons/thumb/f/f1/Book.of.Aneirin.facsimile.png/250px-Book.of.Aneirin.facsimile.png)
Levr Aneirin zo un dornskrid eus ar re goshañ e kembraeg a zo dalc'het e Levraoueg Kerdiz. Aozet e voe war-dro 1265. N'eus nemet Levr Du Caerfyrddin a zo koshoc'h e-touez an dornskridoù kembraek. Bez ez eus daou zornskrid kembreat e latin ivez azo koshoc'h egeto o daou c'hoazh.
Ennañ ez eus barzhonegoù e hengembraeg hag e krenngembraeg hag a zo lakaet war gont Aneirin, ur barzh brezhon eus an Hanternoz Kozh er VIvet kantved. E-barzh emañ Y Gododdin barzhoneg veur Aneirin hag un toullad barzhonegoù all eus ar VIvet kantved moarvat, met dizemglev zo etre al lenneien war ar poent-se.
Un dornskrid leuegen 6¾ x 5 eo, 42 bajennad folio ... Daou zorn o deus skrivet, er memes amzerioù pe dost, ha teir fajenn da vihanañ a vank en dibenn. E lêr leue du eo bet graet ar golo diwezhatoc'h er Grennamzer.
Barzhonegoù
[kemmañ | kemmañ ar vammenn]Ouzhpenn Y Gododdin ez eus barzhonegoù all, hag eno zouez unan verr savet d'ur bugel anvet Dinogad, a c'haller tostaat ouzh Enogad, hag a gont penaos ez a e dad da chaseal ha da besketa.
Levrlennadur
[kemmañ | kemmañ ar vammenn]- J. Gwenogvryn Evans (gol.), Facsimile & Text of the Book of Aneirin (Pwllheli, 1898)
- Daniel Huws, Llyfrau Cymraeg 1250-1400 (Aberystwyth, 1992). Darlith Syr John Williams.
- Morfydd E. Owen, 'Hwn yw e Gododin. Aneirin ae cant.', Rachel Bromwich ha R. Brinley Jones, Astudiaethau ar yr Hengerdd (Caerdydd, 1978)
- Ifor Williams, Canu Aneirin (Gwasg Prifysgol Cymru, 1938; adembannet e 1961)
Liammoù diavaez
[kemmañ | kemmañ ar vammenn]- Llyfr Aneirin el lec'hienn Casgliad y Werin. Skeudennoù e liv eus an dornskrid
- Dornskrid Levr Aneirin, e Levraoueg Vroadel Kembre (cy) (en)
- The Book of Aneurin, troidigezh saoznek, el lec'hienn Celtic Literature Collective.
Notennoù
[kemmañ | kemmañ ar vammenn]
|