Kristina Saks (1505–1549)

Ur pennad Christina von Sachsen zo ivez.

*Philipp der Großmütige* pe *Ar Madelezhus*, pried Kristina.

Kristina Saks (1505-1549), Christina von Sachsen hec'h anv alamanek, a oa ur briñsez alaman, langravez Hessen ha pried da Philipp Iañ Hessen. Rejantez Hessen e voe etre 1547 ha 1549.

He buhez

Merc'h e oa da Georg von Sachsen (1471-1539), duk Saks, lesanvet ar Barveg, ha da v-Barbara Jagiellon (1478-1534). He zud-kozh a-berzh he zad e oa Albrecht (dug Saks) ha Sidonia Bohemia, hag he zud-kozh a-berzh he mamm e oa Kazimir IV Jagiellon (roue Pologn) hag Elesbed Aostria.

E miz Kerzu 1523 e timezas e Kassel da Philipp Iañ, Landgrav Hessen, lesanvet ar Madelezhus. Dek bugel o doe. Daoust da se e voe ur fallzimeziñ. Philipp a lavare ne gouske ganti nemet dre zlead, e oa heuget ganti. Gwir eo e oa un tamm lonkerez.

Met ur wreg all en doa, Margarethe von der Saale hec'h anv, ha nav bugel all en doe ganti, daoust ma ne oa ket aotreet gant e relijion, ar brotestantiezh. E 1540 e plegas Christine d'an divwregiezh-se met ne deuas ket Margarethe d'al lez.

E 1547 e voe prizoniet Philipp ha Kristina a voe rejantez gant he mab.

Ne fellas ket dezhañ e vije rejantez goude e varv avat, gant aon ne rafe droug d'e wreg all ha d'o bugale.