Izeldirioù Bro-Skos
An Izeldirioù eo al lodenn eus Bro-Skos a eneber ouzh an Uheldirioù. Ur rann istorel ha sevenadurel eo. E saozneg e vez lavaret Lowlands (= izeldirioù) met e gouezeleg e vez lavaret a' Ghalldachd (= bro an estrenien, bro ma ne gomzer ket gouezeleg, ha ma'c'h adkaver an elfenn "Gall" e-barzh, ur meni "Bro-C'hall" eta), dre ma reer Gàidhealtachd (gouezelegva) eus an Uheldirioù.