Henriette Bro-Saoz
![](http://upload.wikimedia.org/wikipedia/commons/thumb/e/ed/Henriette-Anne_d%27Angleterre%2C_duchesse_d%27Orl%C3%A9ans%2C_dite_Madame.jpg/220px-Henriette-Anne_d%27Angleterre%2C_duchesse_d%27Orl%C3%A9ans%2C_dite_Madame.jpg)
Henriette Bro-Saoz (1644 -1670), pe Henrietta of England , pe Henriette d'Angleterre e galleg, pe Henrietta Anne Stuart of England, pe Henriette-Anne Stuart, a oa ur briñsez saoz hag a zimezas da Philippe de France, dug Orleañs, breur d’ar roue gall Loeiz XIV.
Ganet e oa en Exeter en Devon d'ar 16 a viz Mezheven 1644. Merc'h e oa d'ar roue Charles Iañ Bro-Saoz, roue bro-Saoz ha bro-Skos, ha d'e bried Henriette Bro-C'hall (1609-1669). He mamm a oa merc'h d'ar roue gall Herri IV, ha c'hoar da Loeiz XIII; keniterv kompez e oa neuze da Loeiz XIV. Stuart e oa he zad, Bourbon he mamm.
Pa oa ganet e oa brezel diabarzh etre kostezenn he zad roue ha tud ar parlamant da gentañ, harperien Oliver Cromwell goude. He mamm he doa dilezet anezhi goude he genel da dec'hel da Vro-C'hall gant he serc'heg. Chomet e oa dindan evezh he gouarnerez, Lady Dalkeith, kontez Morton.
He zad a c'houlennas ma vije graet ur vadeziant anklikan dezhi. Goude kollet emgann Naseby, e kasas Charles Iañ e vab Charles, titlet priñs Kembre, da-gaout e vamm da Vro-C'hall. Lady Morton a voe kaset dre heg gant Henriette da-gichen Londrez, met nac'h a reas reién ar bugel d'ar Parlamant gant aon na vije lazhet.
Tec'hel a reas an itron gant ar verc'hig un devezh hañv e 1646 da lez ar roue gall Loeiz XIV, gwisket en koueriadez hag ar verc'hig gwisket en paotrig. Degemeret fall e voe gant mamm ar briñsezig, ha kaset da gaolmoc'ha.
Eured politikel
[kemmañ | kemmañ ar vammenn]![](http://upload.wikimedia.org/wikipedia/commons/thumb/2/2c/Nocret%2C_attributed_to_-_Henriette_of_England%2C_Duchess_of_Orl%C3%A9ans_-_Versailles.jpg/260px-Nocret%2C_attributed_to_-_Henriette_of_England%2C_Duchess_of_Orl%C3%A9ans_-_Versailles.jpg)
E 1661, da seitek vloaz, e timezas da Philippe Iañ, dug Orléans ("Monsieur"), breur da Loeiz XIV, ha paotretaer touet.
He bugale
[kemmañ | kemmañ ar vammenn]Daoust d'e si brudet e teuas a-benn Fulup d'ober bugale d'e wreg:
- Marie Louise d'Orléans (1662- 1689), a zeuas da vout Rouanez Spagn o timeziñ da Carlos II, roue Spagn.
- Philippe-Charles d'Orléans, dug Valois ( 1664 - 1666), marvet da zaou vloaz;
- ur verc'h marv ganet e Gouhere 1665, ;
- Anne Marie d'Orléans (1668 -1728), dimezet e 1684 da Vittorio Amadeo II Roue Sardigna.
Goude he marv
[kemmañ | kemmañ ar vammenn]Pa varvas Henriette e 1670 ec'h addimezas he fried Fulup d'ar briñsez alaman Liselotte von der Pfalz.