Gourzhanvad

Ur gourzhanvad zo ul lunienn stil, enni implijet un anv-divoutin, evel un anv-familh pe ur merk da skouer, evit envel un dra voutin, pe ar c'hontrol.

Gourzhanvadoù anvioù-divoutin

• Algoritm a zeu eus anv Al-Khwârizmî, ur matematikour persian eus an IX^vet kantved.
• Louis Béchameil de Nointel, mestr-ostaleri Loeiz XIV, ijiner ar chaous bechamel
• John Moses Browning, ijiner unan eus ar pistolennoù damaotomatek kentañ. Implijet e voe Browning evit envel forzh peseurt pistolenn e deroù an XXvet kantved en Europa.
• Samuel Colt, ijiner revolverioù, anvet-holl Colt e genoù tud 'zo.
• John Loudon McAdam, ijiner ar macadam war-dro 1820.
• Eugène Poubelle, prefed departamant ar Seine, e-lec'h ma vontas war an dud d'ober gant poubellennoù e 1884.
• ar sandwichoù o deus kemeret anv John Montagu, 4e kont Sandwich.

Skiantoù

E bed ar fizik eo puilh an unanennoù anvet diwar anvioù skiantourien : amper (A) (André-Marie Ampère), volt (V) (Alessandro Volta), watt (W) (James Watt), ohm (Ω) (Georg Ohm), joul (J) (James Prescott Joule), tesla (Nikola Tesla), coulomb (Charles-Augustin Coulomb), pascal (Pa) (Blaise Pascal), hertz (Hz) (Heinrich Rudolf Hertz), newton (N) (Isaac Newton).

Merkoù

Anvioù merkoù pe embregerezhioù a implijer a-wechoù er yezh pemdez evit envel traoù boutin.

• Bic (« boulbluenn ») ;
• Brabant (« arar gant seier a bep tu ») ;
• Caddie (« karrigell gourmarc'had ») ;
• Coca (« evaj ennañ kola ») ;
• Canadair (« karr-nij bombezer dour ») ;
• Criterium (« doug-min ») ;
• Dolipran (« parasetamol ») ;
• Escalator (« skalieroù mekanik ») ;
• Frigo (« yenerez ») ;
• Gramofon
• Jacuzzi (« kibell-glogorennoù ») ;
• Kärcher (« naetaer uhelwask ») ;
• Kleenex (« mouchouer-paper ») ;
• K-way (« chupenn evit chom dizouret ») ;
• Lampichon (« lamp-petrol ») ;
• Pedalo (« bag troadikelloù ») ;
• Bouloù Quies (« stouvoù skouarn ») ;
• Satos (Société Automobile des transports de l'Ouest) (« karr-boutin », pe karr dezhañ rodoù kaoutchoug) ;
• Scotch (« seizenn begus ») ;
• Solex pe Mobylette (« c'hwil-tan ») ;
• Sopalin (« paper-kegin ») ;
• Taser ( « pistolenn-dredan ») ;
• Velux (« prenestr-toenn ») ;
• Zeppelin (« aerlestr sturius ») ;
• Zodiac (« kanod-aer gant ur c'heflusker »)