Gouel ar Rouaned
![](http://upload.wikimedia.org/wikipedia/commons/thumb/a/ab/Botticelli%2C_adorazione_dei_magi_uffizi.jpg/310px-Botticelli%2C_adorazione_dei_magi_uffizi.jpg)
Gouel ar Rouaned, Gouel ar Rouanez (Rouane e Buhez ar Sent 1912), Gouel ar Sterenn, zo ur gouel e relijionoù kristen 'zo hag a zegas soñj eus an Tri Roue bet o tegas profoù da Jezuz pa oa bet ganet.
An Aviel
[kemmañ | kemmañ ar vammenn]Daoust ma n’eo skrivet e nep lec’h en Aviel e vez graet rouaned anezho gant an hengoun hag e vije bet tri anezho.
Hervez aviel Mazhev : "O vezañ aet en ti e kavjont ar bugel gant Mari e vamm hag, oc'h en em stouiñ d'an douar, ez azeuljont anezhañ ha goude bezañ digoret o zeñzorioù e kinnigjont profoù dezhañ : aour, ezañs ha mir". (Aviel Mazhev, II, 12).
Ar vojenn
[kemmañ | kemmañ ar vammenn]N'eo ket resisaet anvioù an tri roue, met pourvezet int bet dezho gant an hengoun.
- Melkior, teñval e groc’hen, a zegas ezañs.
- Gaspar, sklaer e groc’hen, a zegas aour.
- Baltazar, du e groc’hen, a zegas mir.
Dont a raent eus broioù ar sav-heol ha heuliet o dije bet ur steredenn vras hag he dije diskouezet an hent dezho. Hervez Sant Mazhev e c'houlennatajont an dud, ur wech erruet e Jeruzalem (a zo un 10 km eus Bethleem), dre m'edont o klask roue nevez-c'hanet ar Yuzevien, ar pezh a nec'has Herodez, gouarnour Judea, met ne fellas ket d'ar vajed dont d'e gelaouiñ war ar bugel en-dro.
Penaos e vezont skeudennet
[kemmañ | kemmañ ar vammenn]![](http://upload.wikimedia.org/wikipedia/commons/thumb/e/e0/Fra_Angelico_Adoration.jpg/310px-Fra_Angelico_Adoration.jpg)
Skeudennet e vezont war meur a livadur ha meur a delwenn gant dilhad koustus ha livet liesliv.
A-hed ar c’hantvedoù eo emdroet o skeudenn. Lavaret zo bet e skeudennont teir rann ar bed anavezet d’ar c’houlz-se : Melkior a zeu eus Azia, Gaspar eus Europa, ha Baltazar eus Afrika.
Tri oad an den a skeudennont ivez : unan zo kozh, an eil zo e-kreiz e vrud, hag an trede zo yaouank.
Lid
[kemmañ | kemmañ ar vammenn]Lidet e vez Gouel ar Rouaned d’ar 6 a viz Genver, pe neuze d’an eil Sul war-lerc’h Nedeleg (evit Iliz Frañs).
Gwastell ar Rouaned
[kemmañ | kemmañ ar vammenn]Debret e vez kaletez ar rouaned a zo ur favenn e-barzh. An den emañ ar favenn en e lodenn a zeu da vezañ roue pe rouanez evit an devezh, roet ur gurunenn dezhañ pe dezhi.
Er broioù spagnolek
[kemmañ | kemmañ ar vammenn]An Tri Roue (los Reyes Magos) eo a zegas profoù d'ar vugale, n'eo ket Tad-kozh an Nedeleg a ra.
-
Gouel ar Rouaned hervez Jan Steen