Barner (Bibl)
![](http://upload.wikimedia.org/wikipedia/commons/thumb/f/fa/Salomon_de_Bray_-_Jael%2C_Deborah_and_Barak_-_WGA03141.jpg/220px-Salomon_de_Bray_-_Jael%2C_Deborah_and_Barak_-_WGA03141.jpg)
Estreget evit ar varnerien anvet gant Moshe en dezerzh (Er 18, 13-26) e vez implijet ar ger "barner" (shofet, liester shoftim, en hebraeg) evit envel pe ur penngadour o stourm evit frankiz Israel enep pobloù Kanaan pe ur rener lec'hel[1].
E Levr ar Varnerien an Tanac'h e konter istor daouzek eus an dud vrudet-se eus ar prantad a-raok staliadur ar roueelezh en Israel gant Shaoul bet olivet gant ar profed Shmouel ha dibabet evel roue[2].
Komz a reer eus 6 barner "bras" (pennadoù hir diwar o fenn) ha c'hwec'h barner "bihan" (pennadoù berr diwar o fenn).
Setu anvioù ar c'hwech kentañ: Otniel (Othniel e troidigezh Gwilh ar C'hoad, Ehoud (Ehud), Debora (ha Barak), Jideon (Gedeon), Jefte ha Samzun (Samson).
Ar c'hwec'h barner "bihan" a zo Shamgar, Tola (Thola), Yair (Jaïr), Ibstan, Elon hag Abdon.
Samzun eo an hini brudetañ daoust dezhañ bezañ kentoc'h un haroz lec'hel. N'eo nag ur penngadour nag ur rener Kontet eo e istor evel un doare kontadenn bobl gant fent a-wechoù. Un "nazir " (gouestlet da Zoue) adalek penn kentañ e vuhez. Kreñv spontus oa met koll a raje e nerzh ma troc'hje e vlev. Stourmet en dije ouzh ar Felistiz. Hoalet ha trubardet eo bet gant Dalila. Toullbac'het gant ar Felistiz o doa dallet anezhañ e adkavas e nerzh hag e tistrujas templ an doue Dagon o lazhañ ur bern enebourien..[3].
Daveoù
[kemmañ | kemmañ ar vammenn]- ↑ (fr) Dictionnaire culturel de la Bible, Cerf/Nathan, 1990, p. 143
- ↑ Kentañ Levr Shmouel 10
- ↑ (fr) Dictionnaire culturel de la Bible, p 230